Popular Bible Verses from Jems 5

Share

Anomanta, a wer kɛŋɔ he bol he wechɔɡa dɛɛ baɡle he bala he ne baa teŋɛ Yeesu nɛɛ la, ásɛ ba ɡe won soŋe Korowii dɛɛ tɛ heya, ásɛ o tɛ heyaa bokpeɡa, dɛkalkɛŋɔ nɛndɛɛɡe dɛ soŋe Korowii aa, o dɛ no dɛ ɛ dɛɛ tɛo.

Dɛ sibeɡrewaane pu bɛlbwa naa, wɛ́ɛ soŋe Korowii. Dɛ silɛɛ waane ɡe pui naa, ɡo yela dɛ́ kpɛɛ Korowii.

Dɛ ba kpɔ yarada dɛ soŋe Korowii aa, weela te la ɛɛ dɔ bokpeɡaa. Ya Dɔɔ la ɛɛ ɡeloo o bwara do kpeɡri. Dɛ wechɔɡa anee o ɛ kwaraa naa, Korowii ɛɛ kpɔɔ kɛo.

Dɛ he bini bɛlbwa ɡe bwara dɛ weo waa, ó tomɛ nɛn o ka yerɛ asɔre la bini nomonome, ásɛ ba ba kpɔ noo leɡe o tile Yeesu sɔn ta, dɛ́ soŋe Korowii tɛo.

Hé jemɛ kɛŋɔ nomɛlbwa waa wona cha wechɔɡ-ɛɛ asɛ o ɡel wechɔɡa ɛɛ dɛ berɛ baa ɛ wedɛɛɡa ja la, dɛ naate lɛ wechɔɡ-ɛɛ la mkpa, dɛ ɡel o wechɔɡa damanta bwa waa ɛa la, Korowii kpɔ kɛo.