Popular Bible Verses from Aesaya 60

Share

Jerusalam, ir dɛ́ chaah kɛŋɔ wee! Korowii jirima dɛ chaah he nɛ!

Harɛre nɛra ne koranar bwa ɛɛ ba he bochaah la taa.

Na, biro tenten dɛ ba harɛ nɔ ta nɛra nɛɛ tɔe, kɛ he te, Korowii jirima ɛɛ chaah he nɛɛ.

Banɔ la baa wola kanɛ la, baa warɔ dɛ do kpeɡri kɛŋɔ harɛjen nɛra. Mɛɛ ɛa waranee saŋ waa wera ta. Menee Korowii.”

Haa wee nyin kɛ tɔɔ peraa, o chaah tɛɛ kpa. Haa korobie ɡee nyin kɛ o chaah tɛɛ jwaana ɡe. Men Korowiirii dɛɛ ba he nɛɛ chaahna saŋ bɛlbwa, n jirima do he nɛ.

Wahala haa dɛ na bwa ɛɛ ba a jaɡaa. Men Korowiirii dɛɛ ba he nɛɛ chaahna kɛŋɔ wee ne korobie saŋ bɛlbwa.

Hɛɛ na ɡɛɛ he hɛɡra ir, he tea ɡe too. Ba dɛ ba harɛre kondɔɔh ne dɛ́ ba tɛɛ. Mpo baŋ le kwaa bwa ɛɛ bao.

Korowii ŋɔ, “Ha sie dɛ́ nyiŋi bar, he nɛra bwa chemo dɛɛ ba he be. He bibaala le bojaŋa harɛre ta dɛɛ ba, ba kpɔ he bihaahna chwaa dɛɛ ba.

He nɛra bwa wa ɛɛ toɡroo, harɛ la ɛ ba kon saŋ bɛlbwa. Baa doo kɛŋɔ daa maa duu o pamɛ le o lur ta ken. Men ta ba, ásɛ baa baɡle n jirima.

Haa yoi ɡbɔɡaa no he harɛ ta kpa, wobɛlbwa aa chɔɡ he harɛ ta kpa bwa. Mɛɛ tɔe ɡbemɡbee kɛŋɔ danjwɛɛ ken dɛ́ lɛɛ, ásɛ he kpɛɛ mɛ, lɛɛ maa lɛɛ ta la wa.

He doonyoone ɛɛ yao che saŋ bɛlbwa chɔɔ ne jwaana, aa wola tɔ kpa bwa, ásɛ harɛre koranar tɔ ba nɛra sie, dɛ́ kpɔ ba kondɔɔh jo he be.

Baa ba nyoɡmare nee kohona, dɛ́ ba perɛ harɛ nɔ bwa. Midian ne Efa harɛre taa aa ba lee. Seeba tena ɛɛ ba suuɡaswɛm ne daawiile nee, dɛɛ kpɛɛ men Korowii.

Korowii ŋɔ Jerusalam tena be ŋɔ, “Nɛŋhɔɔhraa dɛ́ berɛ ba kwaa ma he bwɛjen nɔ danjwɛɛre, ásɛ ba koranar ɛɛ tomɛ heya. N baahnee fa dia n tɛr he deŋne. Taraken te, mɛɛ dɔ tedomaa tɛ heya, dɛ́ sune he nɛ.

Jerusalam, ba fa haeh dɛ vɛɛh, nomɛlbwa aa he ta kpɔ. Kɛ mɛɛ ɛɛ he do wer kɛŋɔ, bwɛjen waa soma tɛ nɛra saŋ te bɛlbwa dɛɛ la.

Harɛre nɛra ne koranar ɛɛ nyiŋi he nɛɛ kɛŋɔ, haah aa dɛ ɔr o bie, ásɛ he jemɛ kɛŋɔ men Korowiirii he Lɛɛ, menee Korowii, Jekɔb Kpeɡnɛn waa tomɔ la.