Popular Bible Verses from Aesaya 43

Share

Hɛ́ɛ no! N dɛ ba wefale bɛl ɛɛ. Taraken o dɛ le, he ta on nae yaa? Mɛɛ bil ŋwɛnɛ pua hɛŋle ɡbo harɛ taa, dɛ́ ɡel nenabɔɔne chɔ harɛ la ta.

He dɛ ɡale vile aa, ń ja he nɛ, haa morɛ, wobɛlbwa aa heyaa ɛ. He jo nii ta naa, haa fuh. Aa heyaa nyaa, á ba ɛ kɛŋɔ hɛɛ fuuh.

Korowii berɔ ŋɔ, “Hé laa he liire kpɔ waa a fa aa chiɡa la ta, he bɛ an lii kpa.

Israel tena, Korowii waa ta heya la ŋɔ, “He bɛ ɔmɛ. Menee lɛ heyaa ta, n yerɛ he sɔn dɛ le heyaa tɛ n te. Men dɔ heya.

He waa hiah mɛ kohona, he waa aa dɔ jirima n be mɛɛ nyin heyaa nomanta, mɛɛ kpɔ harɛre ne a nɛraa charɛ he nyu.

Menee Korowii haa dɛ tom mɛ, he Israel Nɛŋɡoroŋ maa dɛ lɛ heyaa la. N kpɔ Ijipt tena charɛ he nyu, dɛ kpɔ Itiopia ne Seba tena cheɡ he buɡ ta dɛ lɛ heya.

He bɛ ɔmɛ, n ja he nɛ. Mɛɛ kpɔ he nɛra baa lɔ wee leebɔree ba, dɛ́ berɛ kpɔ banɔ la baa lɔ wee cholibɔr la ɡe ba ja he nɛ.

Menee fee he wechɔɡa dɛɛ ta. N ɡbaɡba waa mɛɛ ɛ ɡɛ, maa an lii kpa bwa.

Korowii ŋɔ, “Israel tena, heyaa n danseɛre, n le heyaa kɛŋɔ n bonɔɔna ásɛ he jem mɛ dɛ́ yarada mɛ dɛ́ no a mun kɛŋɔ n ɡboo lole. N sie, Dɔɔ bɛlbwa toole, á ba ɛ kɛŋɔ n habɔɔ bɛl ta dɛ ba bala.

Menee Korowii, n ɡbosoroo, n habɔɔ, Lɛɛ bɛlbwa toole.

Kpelaa, n ɡboo Korowii saŋ bɛlbwa. Nomɛlbwa aa won lɛ o te n nɔn ta. Anɔ la maa ɛ la, nomɛlbwa aa won bera.”

Kpɔɡ bini ola ɛɛ duu mɛɛ, kalampoŋare ne kwiure ɛɛ duu mɛɛ, nee maa tɛa pua hɛŋle ɡbo harɛ ta la wa. Anee mɛɛ ba n nɛra maa lee ba tɛ n te la tɛɛ bá nyɔ, N ta ɡɛ nɛra nɔ bá ɛ n nɛra, dɛ́ ɡo yela dɛɛ kpɛɛ mɛ.”

Mɛɛ ŋɔ weekaŋle nyunduabɔr, ne weekaŋle harɛbɔr tena bee ŋɔ bá tɛɛ ba ŋwɛnɛ bá kaa! Hé kpɔ n bibaala le bojaŋ ba, dɛ́ kpɔ n bitoli baa lɔ harɛ jaɡa ɡe ba, ba ɛ n nɛra, menee ta ba, ba kpɔ jirima dɛɛ tɛ mɛ.”

Kenii Korowii bol. Onee ɡela mpo faa pere, ŋwɛnɛ chɔ o baah ta la. Onee ɡela nee lɔ laa tena ne jaɡre ne torɔɡore a choɡli chɔ, nee bɔle ba nɛɛ ba ta wone ir kpa dɛ serewe kɛŋɔ nii aa dima ken.

Menee Korowii, he Israel Nɛŋɡoroŋ la. Menee ta heya, menee he Kooro.”