Popular Bible Verses from Mumpar 39

Share

Korowii teŋɛ Josef nɛ, anomanta, o ɡelɔ o wobɛlbwa do wer tɛo asɛ o so nomoa la dem.

Pɔtefa kpɔ komɛlbwa do o nɔn ta dɛ laa liire kpɔ a ta. Kwaa waa dɛ lii a waa kondikwa waa di ɡbo. Dɛ Josef mao kɛrɛdɛ dɛ do wer bonɔɔ ɡe.

Anomanta, o kpɔɔ ɛ o bala baa do ba dea la bwa nomoa, asɛ wɛɛ nyiŋi ba wobɛlbwa baa dɛ ɛa bela ta.

dɛ ɡel ba ka lawɛ Josef ba do dea, bela kooro aa lawɛ nɛra dɛɛ do la, asɛ o chɔ bela. Kɛ Korowii teŋɛ o nɛ, dɛ tɛo jirima dɛ ɛo kɛrɛdɛ, dɛ ɡel nomoa waa dɛ nyiŋi ba nɛɛ dea bela la sie lɛ o nɛ.

Aa ba dɛ la sie la, Pɔtefa haah pɛla lawɛ Josef dɛ ŋɔ o ne o chɔ. Kɛ Josef ta sɛɛh, asɛ dɛ ŋɔ o nomoa haah la be ŋɔ, “N dɔɔ aa dɛ yarada mɛ kohona nomanta, o kpɔ komɛlbwa waa lɔ o dem bonɔ, ne o komɛlbwa waa dɔa do n nɔn ta, waa wola a waa lii kpa. Nomɛlbwa toole dɛ dɔ kpeɡri n nɛɛ dem bonɔ nemenɛ on. O ta komɛlbwa ɡe waa lɔ dem bonɔ kpɔe sɔɔh mɛ, nemenɛ he ɡbosoroo dɛkalkɛ o haahnee hen. Ɛrɛɛ mɛɛ ba wona ɛ a ɡɛ wechɔɡa nɔ dɔŋa dɛ́ jo Korowii nɛɔ?”

Awola bɛl, Josef lɔ dem bela dɛɛ ɛ o toma. Dɛ dem bela bonɔɔna la bɛlbwa toole. Belaa haah la ta lawɛ o yal kpoŋe dɛ ŋɔ, “Gel n ne he chɔ.” O ta sɛɛh, dɛ yo lɛ o te dɛ chwa le buse, asɛ a ka o yal la do haah la nɔn ta.