Popular Bible Verses from Galaasia 6

Share

He bɛ ɡel ya bwara ɛɛ hwah ya wedɛɛɡa ɛɛ ta. Dɛ ya swɛɛ siwi a ta naa, Korowii Tɔpere La telaa, yaa komaa.

Anomanta, saŋ bɛlbwa, dɛ ŋwɛnɛ lole naa, yáa cha nomɛlbwa, a laa kɛŋɔ nɛra ya ne baa dɛ di lola Yeesu Kristo nɛɛ teŋa nɔ ta nɔ.

Waa pu he dɔŋ dɛ ɛ bone tɛo waa, hé chao. He dɛ ɛ ɡɛ naa, dɛ Yeesu Kristo mmara la taa hɛɛ teŋɛ la.

He bɛ he te dɛɛ neɡre. Haa jemɛ kɛ baa Korowii neɡre kɛɛ? Kwaa nɛn aa dua la, anee wɛɛ komɛ.

Dɛ nɛn teŋɛ o nɛwɛnyini mar wechɔɡa aa suu pɛla kwaa nɛɛ dɛ du wechɔɡa aa, sewee wɛɛ ba koma. Dɛ nɛn teŋɛ Korowii Domadɛɛɡe la tetoowaa ta dɛ du wedɛɛɡa aa, wɛɛ komɛ mkpa aa wola jaɡa dɔe bwa laanee Domadɛɛɡe la be.

Yabala, dɛ he lawɛ he bini bɛl wechɔɡa bɛlbwa ta naa, he banɔ la haa dɔ Korowii Domadɛɛɡe la kɛrɛdɛ la, hé toɡro. Kɛ he bɛ o nɛɛ nyɛɡ te, hé toɡro sipwɛra ne. He ɡbaɡba ɡe la, a chɛ kɛ hɛɛ nyiŋi kɛrɛdɛ, ásɛ Bɔnsam bɛ heyaa ba neɡre do wechɔɡa ta.

Dɛ nɛn ta nɛnjen ɛɛ dɛɛ lii o te nɛnjen aa, dɛ o dɛ neɡre o te. Hé bɛlbwa nyiŋi o we-ɛɛla na. Dɛ a wer aa, ó ɡel o sie lɛ. Kɛ he bɛ he te kpɔ dɛɛ maɡɛ dɔŋa dɛɛ nyin sɔn, dɛkalkɛŋɔ nomɛlbwa ne o bonee wɛɛ ba cheɡa.