N nao kɛŋɔ peukpeɡ bɛl aa taa dɛ kpɔ bam waa kana le weekaŋle nyunduabɔr, nii baro cheme, o bini ɛɛ nyɛɡle pelɔpelɔ ken. Waa dɛ nyɛɡle la, komɛl do kɛŋɔ ayaawa ken dɛ do o bini. Maa nyiŋi nii la bini la, n na hweera kwaa anaarɛ a mar aa do kɛŋɔ nɛn bela, bɛlbwa dɔ siebɔra anaarɛ ne kena anaarɛ. A nakpale toɡrɔ, a napaala ɡe do kɛŋɔ nabale kwa, dɛɛ nyɛɡle kohona kɛŋɔ ayaawa baa looru ken. A siebɔra anaarɛ ne kena anaarɛ la habɔɔ, bɛlbwa dɔ nɛn nɔn beŋkpoŋ keni bɛlbwa lɔɡa, a ɛ nɔɔra anaarɛ. A bɛlbwa kena nyoo dɛ leɡe o dɔŋ kwa, a pɛ dɛɛ ir, aa a te berɛ.
