Popular Bible Verses from 2 Pita 1

Share

Yeesu dɔ Korowii kpeɡri la dɔŋ. Anee o kpɔ cha yaa, asɛ ya dɔ komɛlbwa yaa hiah dɛ won do le dɛɛ ɛ wedɛɛɡa. Yaa jemɛ Korowii waa le yaa ásɛ ya won dɔ o jirima ne o dadɛɛɡe la waa o ɛ ɡɛ. Waa ɛ ɡɛ nɔ, o cha yaa ŋwɛnɛdɛɛɡa kohona ta, aa wola dɔŋ dɔe. O baɡɛ yaa nyoa a wa. Hɛ́ɛ che a taa dɛ́ le pɛlchɔɡa aa lɔ harɛ nɔ ta dɛɛ chɔɡ nɛra la nyoa, ásɛ dɛ do ɡɛ Korowii aa doa la.

A ɡɛ waa nɔ wesoo nomanta la, hé takapɔ dɛɛ ɛ wedɛɛɡa dɛɛ ja he Yeesu waa yaradae ta, dɛ́ kpɔ wejema dɛ́ ja he wedɛɛɡa ɛɛ ta, dɛ́ won dɛɛ lawɛ he te dɛɛ ja he wejema ta. Hɛ́ɛ lawɛ bambile dɛɛ ja he te lawa ta, dɛ kpɔ Korowii ɔma dɛɛ ja he bambile lawa ta. Hɛ́ɛ nyin dɔŋa dɛɛ ja he Korowii ɔma ta, dɛɛ nyin nɛn dɛɛ ja he dɔŋa nyina ta.

Da waa wera tɛ heyaa la. He wono dɔ a ɡɛ da nɔ kɛrɛdɛ naa, aa ɡeloo jema haa jemɛ ya Dɔɔ Yeesu Kristo la dɔ tɔnɔ dɛ́ su siwi.

Anomanta, yabala, Korowii aa le heyaa tɛ o te nɔ, hé takapɔ kɛŋɔ hɛɛ ɡeloo he we-ɛɛla baɡle kɛŋɔ Korowii nɛra waa lee ba la banee heya. He dɛ ɛ ɡɛ naa, haa naa lɔ Yeesu Kristo waa nɔ yaradae ta bwa.