Popular Bible Verses from 1 Pita 2

Share

Kɛ he te la, Korowiirii le heya. O Kora sɔforee heya. He do ɡoroŋ. He ɛ o nɛra waa le heyaa ŋɔ hɛ́ɛ bol o nyokpowaa waa ɛa. On le he ne biro ta dɛ ba he ne o bochaah waa wera kohona la ta.

O ɡbaɡba lɛ ya wechɔɡa dawɛ o nɛ, dɛ na wahala daɡaɡre ta, ásɛ ya bɛ so tɛ wechɔɡa, dɛ́ so tɛ wedɛɛɡa ɛɛ. Bola baa doo la taa a che he dɔ bokpeɡa. He fa do kɛ peera aa kpaŋa, kɛ taraken te, he ba he Dɔɔ waa dɛ nyin he nyu la be.

He fa ta Korowii nɛra ɛɛ, kɛ taraken te, o nɛraa heya. O fa ta he sum nae, kɛ taraken te, o na he sum.

Hé ɡel he siwi swɛɛ Korowii Waa la noe ta kɛŋɔ bechasɔɔhne siwi yon swɛɛ elnee ta la, a che a ta he won kpeɡ he lɛɛ waa la ta.

N dandɛɛɡa, n dɛ soŋe heyaa kɛŋɔ haa ɛ hɔɔhra bonɔ, bonɔ aa wola he bwɛɛ ɛɛ nɔ, hé laa he te kpɔ he bwadabii pɛlchɔɡa ta. Anee dɛɛ vuuɡi heyaa haa wola won ɛ waa Korowii aa kpɔa do he bambile bini la. Haa lɔ nɛra baa wola Korowii tomɛ baah nɔ, hé ɡel he wobɛlbwa toɡre, ásɛ dɛ ba dɛ bol he waa ŋɔ he ɛ wechɔɡ-ɛɛra aa, a habɔɔ la, bá na he we-ɛɛla kɛŋɔ a wer, dɛ kpɔ jam tɛ Korowii awola waa ba ya ne o na dɔŋa la.

he ɡe do kɛ bwea aa dɔ mkpa. Hé ɡel o kpɔ heyaa ma Korowii Dea ásɛ he ɛ Korowii sɔfore haa do ɡoroŋ, ásɛ dɛ che Yeesu Kristo nɛɛ dɛɛ tomɛ Korowii bambile bwa ne a ɛ saraha dɛɛ su o siwi.

Anomanta, hé le wechɔɡa bɛlbwa kɛŋɔ dɔŋa neɡra bɛlbwa, ne nɛra sie nyiŋa dɛɛ ɛ wa, ne bɔweela dɛ nɛra waa bola bɛlbwa sese ta.

O te ɛ Bwe waa dɔ mkpa. Nɛwɛnyini liiru konsala dɛ vɛoh, kɛ onee Korowii te nyiŋi kɛ o ɛ Bwedɛɛɡe o wa aa hiah dɛɛ nyinu. Haa ba o be nɔ

Hé so kɛŋɔ nɛra haa dɔ he te haa wola yoma ɛɛ. Kɛ he bɛ dɔe haa dɔ he te la kpɔ dɛɛ ɛ wechɔɡa. Hé ɡel nɛra na kɛŋɔ Korowii bonɔɔna ne tolii heyaa he soɡa bini.

Korowii dɛ nyin kɛ hɛɛ ɛ wedɛɛɡa, dɛ́ won dɛɛ tɔ ɡɛna ŋwɛnɛ ba bɛ won bol ɡɛnewaa dɛɛ chɔɡ heya.