Popular Bible Verses from 1 Jɔn 3

Share

N bidɛɛɡa, he bɛ ɡel ya kpɔ wobol ne nyotor berɛ dɔŋa nyina. Kɛ hé ɡel ya we-ɛɛla baɡle kɛŋɔ ya nɛnnyin ɛ kasinteŋ nyina.

Gɛ Yeesu Kristo aa koh ya waa dɛ kpɔ o te tɛ dɛ sewɛ la, a taa ya che dɛ jemɛ ɡɛ nyina aa doa. A chɛ kɛŋɔ ya ɡe koh yabala waa dɛ́ ɡe kpɔ ya te tɛ kɛŋɔ yaa sewɔɔ tɛɛ ba.

Hé na nyina ya Mɛɛ waa lɔ nyundua aa dɛ nyin yaa, dɛɛ yerɛ yaa o bii. Ya ɛ o bii kpela. A waa ɡela nɛra baa dɔ harɛ nɔ ta ɡbo liire aa wola yaa jemɛ la. Gɛ baa wola Korowii jemɛ la, ɡɛɛ baa wola ya ɡe jemɛ.

Nomɛlbwa waa teŋa dɛɛ ɛ wechɔɡa la ɛ Bɔnsam nɛn, dɛkalkɛŋɔ harɛ mumpar la bwaa Bɔnsam le dɛɛ ɛ wechɔɡa. A waa Korowii Bie la koh ba harɛ nɔ ta dɛ ba chɔɡ Bɔnsam toma bwa.

Nomɛlbwa waa ɛ Korowii bie la aa teŋɛ dɛɛ ɛ wechɔɡa kpa, dɛkalkɛ o ɛ Korowii dwee. Anomanta, waa won teŋɛ dɛɛ ɛ wechɔɡa kpa, dɛkalkɛ o mɛɛɛ Korowii.

Dɛ nomɛl dɔ harɛ nɔ ta kwaa bwa, dɛ na o dɔŋ waa nyaa, dɛ laa sie kpɔ o nɛ aa, amɔ dɛ o dɛ nyin Korowii aa?

Nomɛlbwa waa dɛ no Korowii waa la, o kpɔ o te dɛɛ pɛl Korowii, asɛ o ɡe lawɔ dɛɛ pɛl o nɛ. Korowii Domadɛɛɡe la waa kpɔa tɛ yaa la ɡelɔ ya jemɛ kɛŋɔ ya bwa ɛ beŋkpoŋ.

Anɔ taa yaa ba cheɡa dɛ́ jemɛ banɔ la baa ɛ Korowii bii ne banɔ la baa ɛ Bɔnsam kwa. Nomɛlbwa waa wola wedɛɛɡa aa su Korowii siwi ɛ, kɛɛ waa wola o dɔŋ nyin la, o ta o bie ɛɛ.

Waa haa noa le mumpar laanee kɛŋɔ a chɛ kɛŋɔ yá nyin dɔŋa.

Yabala, dɛ nɛra baa dɔ harɛ nɔ ta ɡbo liire hah heya aa, he bɛ ɡel a ɛ heyaa nyokpoa.