Ga bitjanna liŋgu ŋunhi ŋuli ḏalkarra'mirriyu ŋuriŋi yolŋu'-yulŋuyu märranha ŋunhiyi Dhawu'-nherraṉminyarawuynydja Bathi, girri'-ŋamathinya marrtjinyarawuna, ŋayi ŋuli yatjuna waŋanha Mawtjitjtja bitjana, “Garray gaŋgathiyana, ŋuparrana ŋunhanydja barrkuwatjkuŋana nhuŋuway miriŋunhanydja. Biyakana walalanha ŋunhinydja yolŋu'-yulŋunha beyaṉu-wukuŋana, walala yurru waṉḏirrina bena-wala barrkulilina yana, ŋunhi walala ŋuli ŋuyulkthirri nhuŋu.” Bitjana ŋayi ŋuli ŋunhi Mawtjitj waŋanha, bala walala ŋuli marrtjinyana yana-wala giṯthunana.