Ŋäthilinydja ŋurruthaŋalanydja ŋayi waŋana Garray nhanukala bitjarra gam', “Gatjuy marrtjiya, ga märraŋa miyalknha, yurru yalalanydja ŋuriŋi dhäykayu nhuna yurru ganan, bala wiripuŋunhana märrama ḏarramunha yurru, ga djamarrkuḻi'yunydja nhokala yurru bitjandhi liŋgu nhuna gonha'yun, liŋgu walala yurru ŋunhi bitjandhi liŋgu dhuwurr-yätjthirri bitjan ŋunhiyi nhuŋu dhäyka. Yo, ŋuliwitjandhi ŋarra yukurra yurru ḻakarama dhulmu-mayali'mirrina dhäwuny'tja ŋunhina ŋarrakuwaynha miṯtjinha Yitjuralnhana, yana milkuma yukurra bitjan ŋunhi walalanydja dhuwurr-yätjmirri, liŋgu walala ŋarranha gonha'yurruna, bala wekanhaminanydja walala ŋunha wiripuŋuwuna waŋarrwu walalanhawuy walala.” Ga bitjarrayi ŋayi yukurrana Garray waŋananydja nhanukala Yutjiyawala.