Yo, dhuwalanydja dhäruk wukirriwuy yolŋuwuŋu yäkuwuŋu Waymutjkuŋu, ŋunhi ŋayi wäyin-djäkamirri yolŋu ŋurikiy wäŋawuy Dekuwawuy. Yo, Godthu warraŋulkuŋalana maḻŋ'maraŋalana dhuwala dhäruktja ŋurikala Waymutjkalanydja ŋulinyaramirriyu waluyu ŋunhi ŋayi Yutjayaŋga yäku buŋgawa yukurrana nhinana Djudawuy, ga ŋayinydja Djirapawumdja buŋgawa ŋayi Yitjuralwuynha. Ga bitjarra ŋayi Waymutj waŋananydja gam',
“Garraynydja marrtji yukurra ŋulaŋuru bukuŋurunydja Djäyanŋurunydja,
yatjun marrtji rirrakay ŋanyana bathalayuna dhikana;
ŋulaŋurunydja Djurutjalamŋurunydja ŋayi yurru waŋanydja wirrkina galŋu yatjunna rirrakay,
bitjanna bitjan murryu'-murryun marrtji ŋuli woḻma.
Yo, wäyin-djäkamirrinydja walala yukurra galŋa-yätjthirrina nhina,
liŋgu ŋunhiyi wäŋa baṉḏanynha marrtji ŋorra räwaknha,
ga mulmunydja räwakthinana, bala raku'-rakunydhinana.”