Popular Bible Verses from Mark 14

Share

Ukaktuglu, “Aapak, angutiga, ilingnun tamaita hapengnaimata kallun una piekli uwamnin, uvanga ihumamniungitumik ihumangnik kihimi.”

Amekhiluhi kengaugittilu uktuktaukunahi. Umatipfingni piyumagaluaktuhi timipfingnili hakuekpallaaktuhi.”

Ilumun ukautigipfi, nanilikiak ukauhit naguyun tuhaanakata angnam havaanga ukaktauyukhak inuit itkaumakuvlugu.

Ukallautiyain, “Umatimni ukumailiuktunga akhun, hamanittiti amekhiluhilu.”

Negitillugit Jesus mukpauyamik tiguhiyuk kuyakhukhunilu avgukataa tunivlugit tapfuminga ukakhuni, “Tigulugu timigigapku.”

Talva kallun tiguyaa kuyakhukhuni tuniyain tapfuminga, tapkuatauk kallumin imektun. Ukallautiyain, “Una augigapku ukagiyautauhimayumik kuviyauyukhak amihun pivlugit.

Jesusim ukautiyain, “Unukpan tamapfi kimangniagipfinga, tiitigakhimangman, 'Avaangniagapku imnailik imnait aptektitauniaktun.'

Makittitti aavungakta, tamayya tunihiyiginahuaktaga kailengman.

Jesusim ukallautiyaa, “Ilumun ukautigipkin, unukpan tingmiak nipyaaktinagu malguektugluni ilvit ikutiginiaktangma pingahuektuglutin.”