Popular Bible Verses from Tito 1

Share

Bizeegyo le edi si betè Aya, pɔ̀ ba kiboebitɛ ɛ kiibasɛ kooko si béte ye. Bizeevu banɔ ɛkpɛ lipo me lɛ baʋínu kutu u, lɛ báma kidɔ gbã kubitɛ mɛ ɛ.

Kidɔ kakaa su kidra ɛki banama gi ba tutɔ bɛdra ɛ, pɔ̀ kididɔ su kídra ɛki banama gi bezizi isu ya a, xe baziŋa ɛ, lɛ ese linu si ba begyodi ʋa ni ina nɛ mɛ ɛ, iinyani kooko.

Ovu anukwarɛ liboe le me gaglaa kiliɛ gi bɛbasɛ lɛ ɛ, tɔ ɔka ní lɛ aʋa si lisrɔ ni batrɔtrɔ ʋa a. Gani lɛ aʋa ɛ, aatani banɔgɔgɔ ba kigagla kukpɛ ní anukwarɛ bidɔbasɛbasɛ mɛ, ani tɔ aabu kesetata basɛ ní banama gi bɛyɔ kedu ní lɛ su i, si bɛta kese.

Agi ɔhalɔ onu ozeze yɛ odi ní Aya yɛ axwɛ na onu loso e, líma si kunutsatsa kutɔtɔ kuze ní yɛ su u. Okíze ɔnɔ gi izɛɛtrɔ ɛki banɔ ɔ, loo izeyeʋi isu kise ise, loo ɔdaŋwɛmu, loo ɔnɔ gi izɛɛbitɛ agaglaboe e, loo ɔnɔ gi yɛ kimbi kizɛɛzã a, xe izɛɛŋa kibɔ ɔ. Boŋu i, lilɛ si oze ɔnɔ gi izɛɛzi bababa ba, tɔ ɔdimɛ ni kidiliɛ gi kipɛ ɛ. Ɔŋa isu aʋa, tɔ ɔlɛ ní kude gyɔgyɔɔ aʋa a, ɔdra, tɔ ovu isu ya.

kesetata kakíze ní baʋaziŋa ba ɔnɔtsitsi ye su u, ɔdzɛ tole ko lilɛ si ɔgbanɔ, lɛ yɛ bebi ba fɛ ɛ, lilɛ si beze baʋaziŋa lɛ bakípani ní basu si bénu banɔ yɔyɔ loo si benu banɔ gi baʋíbù banɔ ɔ.