Popular Bible Verses from Roma 8

Share

Lɛ kwite si ní kidɔ kakaa mɛ ɛ, Aya izɛwa axwɛ ɛki banama gi bɛlɔ yɛ ɛ, ba ligbã, banama gi axwa ní yɛ kupɛpɛɔ onu i.

Lɛ maka ní lɛ aʋa si kididɔ kíma gi kialɛ blɔ ni yɛ kunɔlɔɔ kusi i: kutse loo ligbã́, Aya baxwɛdzɛ loo ifuɛfuɛ zimizi ne gi iŋa aʋa ní lifunu ne loo kigagla dzedze etɔtɔ, abla loo ɔtɔ nɔ mɛ o, kididɔ ní ayɛɛ mɛ loo kesea ese, ni anukwarɛɛ mɛ kididɔ kíma ní kelea mɛ bidɔbitɛbitɛ ʋɛ kusi gi kiatani blɔ kufili ní Aya yɛ kunɔlɔɔ gi kunu blɔ kunɛ ɛ, gani Kristo Yesu blɔ Ɔkaɛ aʋa su u.

Niteme Aya yɛ Ɔfuɛfuɛ nɔ fɛ ibazɛ ɛpɔni blɔ, xe kigagla kíma blɔ mɛ fɛ ɛ. Lɛ kúte kiliɛ gi kwiaxwa Aya a; Ɔfuɛfuɛ nɔ ɔtutɔ izeebu blɔ onu ki Aya ni kutaniɔ gi eboe atrátani kupani i.

Ɔkpɛ la ya petee e, liboe woli kwiapani i? Xe Aya ɔlɛ ni blɔ kude e, nyaŋwɛ aayɔ kedu ní blɔ su u?

Lɛ loso e, lipɔ bubu itɔtɔ líma ɛki banama gi balɛ ligbã́ a xe benu kidɔ tile nì Kristo Yesu u.

Lɛ ɔniliɛ gi yɛ begyodi ʋa balɛ ní kidiliɛ ɛ, gi yɛ kisugyaɛ kiipɛ aʋa ɛ, izɛɛmɔ kutse e. Pɔ̀ ɔniliɛ gi yɛ begyodi ʋa balɛ ní Aya yɛ Ɔfuɛfuɛ nɔ kupɛpɛɔ aʋa ɛ, izɛɛmɔ ligbã́ ni kusuyɔ.

Pɔ̀, ní la ya petee me e, kwimɔ kaʋaŋaŋa petee gani Yesu mɛ, yɛ gi alɔ blɔ ɛ!

Makɔ lɛ si blɔ kupɛpɛɔ ní lipoe lɛ ya mɛ ɛ, batrátani kɔ kukɔsrɔ nɔ kusudraa liɔ gi Aya atrábu ibasɛ blɔ lɛ kede e.

Kɔ nyaŋwɛ aatani blɔ ni Kristo yɛ kunɔlɔɔ kusi kulɛ ɛ? Kunugu kwiatani lɛ kubitɛ ɛ? loo baxixa loo keduyɔyɔ loo kuʋɛ loo lipi loo ɔxa loo kutse na a?

Lɛ Aya, gi ete kidiliɛ gi kikpasi ní blɔ ina nɛ mɛ ɛ, yɛ ke ete Ɔfuɛfuɛ nɔ begyodi ʋa kyɛ ɛ. Lɛ ese linu si Ɔfuɛfuɛ nɔ izeebu yɛ banima onu iiki Aya ni Aya yɛ kupɛpɛɔ onu.

Lɛ ese linu si banama gi Aya yɛ Ɔfuɛfuɛ nɔ ɛɛgbanɔ ɛ, ba benu Aya yɛ bebi ba a.

Banama gi balɛ ligbã́ nɛ ko ŋwisi kiliɛ gi ba kisugyaɛ kizezee me kiʋi dɔni ba awla ɛ, ba begyodi ʋa balɛ ní ba kisugyaɛ kupɛpɛɔ ese e. Banama gi balɛ ligbã́ nɛ ŋwisi kiliɛ gi Aya yɛ Ɔfuɛfuɛ nɔ izɛsi ba ɛ, ba begyodi ʋa balɛ ní Aya yɛ Ɔfuɛfuɛ nɔ lɔ kupɛpɛɔ ese.

Lilɛ́ nite si aní Aya a, gi ɔ́ka blɔ Yebi ye, pɔ̀ akɔ yɛ akɔ ní blɔ litukpo o! Gi akɔ Yebi ye aki blɔ ɛ, kigbe aagbe si yɛ ɔ́trakɔ kidɔ kakaa ɛki blɔ faã na a?

Aya yɛ Ɔfuɛfuɛ nɔ ni blɔ ifuɛfuɛ nɛ izɛɛtrɔ likla lɛ aʋa si Aya yɛ bebi kunu u. Agi kunu yɛ bebi i, kwiamɔ kukrira liɔ gi abla aplɛ aki yɛ banima ɛ, lɛ blɔ fɛ kwiamɔ kɔpɔni Kristo kidiliɛ gi kɛ Aya abla aplɛ aki yɛ ɛ; lɛ xe kwimɔ ɔŋakɔ ní Kristo yɛ ɔziã nɔ mɛ ɛ, blɔ fɛ kwiamɔ ɔŋakɔ ní yɛ kusudra mɛ ɛ.

Lɛ loso banɔ biadzi ahwafianɛ ki Aya xegi kisugyaɛ kiigbani ba begyodi ʋa ɛ, lɛ ese linu si baʋínu kutu ki Aya yɛ ɔsã nɔ ɔ, lɛ batrátani ɔsã nɔ aʋa kubitɛ kyɛ ɛ.

Aya yɛ bidɔbitɛbitɛ ʋɛ pɔ́ biidi kudeonu vevee iiki Aya si obu yɛ bebi ba basɛ.

Lɛ kwite si gakɔna nì abla ɛ, Aya yɛ bidɔbitɛbitɛ ʋɛ petee biinimì ŋwisi kiliɛ gi bizeenu kuyeʋiyeʋi ní kubipɔ mɛ kinɛ ɛ.