Popular Bible Verses from Roma 6

Share

Lɛ eboe zimizi na la liʋɛ nɛ linu kutse e, pɔ̀ Aya yɛ bidɔkɔkɔɛ ʋɛ gi izɛɛkɔ faã ɛ, bɛ binu ligbã́ moblo le ní likpɔkpɛkpɛ mɛ ni Kristo Yesu blɔ Ɔkaɛ.

Líma si kuzimizi kuŋa mlɔ aʋa a; lɛ ese linu si mláma ní ɔsã nɔ ese. Boŋu i, mlalɛ ní Aya yɛ lipomepɛpɛ nɛ ese e.

Gani blɔ kuni kpɛkpɛɔ mɛ ɛ, blɔ fɛ kwitse lɛ bevive blo epɔni yɛ, tɔ kiliɛ gi bɛyɔni yɛ ɛdɔni bekpo ʋa mɛ gani Yɛka kusudra kigaglaɛ mɛ ɛ, nite blɔ fɛ kwiayɔ xe kwiaze ligbã vuvu nɛ ɛ.

Loo tɔ mlayurɔ mlɔ kisugyaɛ kapɛatɔtɔ kɔ ki eboe zimizi kubitɛ ɛ. Boŋu i, mlayurɔ isu ya aki Aya, ŋwisi banama gi bɛɛdɔnɔ ní bekpo ʋa mɛ mani ligbã nɛ mɛ kinɛ ɛ. Mlayurɔ mlɔ isu ya petee aki Aya tɔ ɔwa mlɔ su axwɛ ki eboe gi alɛ ní kude gyɔgyɔ aʋa a.

Lɛ kwite si bɛkla blɔ kizeze me kokoe me ni Kristo o, ní yɛ osetsase lo su tɔ bikyrɔ blɔ kuzimizi yo kigaglaɛ atɔ kukíze banɔ dzidzi ɛki kuzimizi yo.

Niteme ke lilɛ si mlebu isu ya sì mletse, lɛ eboe zimizi na ámɔ kigagla ní mlɔ aʋa tɔ ɔ, pɔ̀ mlalɛ ligbã ní likpɔkpɛkpɛ mɛ ni Aya gani Kristo Yesu me e.

Kɔlɔ liboe woli kwiapani i? Kwiatrɛ ní eboe zimizi na kubitɛɔ aʋa tɔ Aya yɛ lipomepɛpɛ nɛ lisrɛ pɔnɔ ɔ? Lítraze nite kura! Lɛ ese linu si kwitse lɛ eboe zimizi na ámɔ kigagla ní blɔ aʋa tɔ ɔ, lɛ kitɛ mɛ kwiaze ní eboe zimizi na mɛ dzɛ ɛ?

Sugba mlete si xe mlɛyurɔ isu ikɔ ŋwisi banɔdzidzi si mlaanu kutu ki onutɔ ɛ, mlenu banɔdzidzi ki ɔka liɛ klɔ gi yɛ axwɛ mlɛɛwa ɛ. Kɔ mlenu banɔdzidzi ki kuzimizi gi kwiagbani mlɔ kutsinɔ ní kutse me e, loo ki kutununu gi kwiagbani mlɔ kutsinɔ ní kude gyɔgyɔ aʋa a.

Pɔ̀ kwido Aya ɖase! Gi lipoetɔ zanɔ ɛ mleze banɔdzidzi ki eboe zimizi i. Pɔ̀ abla ɛ, mleenu kutu ni mlɔ ɔna petee ɛki anukwarɛɛ liboe lɛ gi kwibasɛ mlɔ ɛ. Bebú mlo liʋɛ mɔtsa ɛdɔni eboe zimizi na iwla mɛ, lɛ mledzi banɔdzidzi iiki kude gyɔgyɔ ɛ.