Popular Bible Verses from Roma 4

Share

Pɔ̀ ɔna ódo yɛ lipo o, boŋu i, evu Aya yɛ kakaplɛa mɛ gaglaa; lɛ yɛ kuziŋaa kwiki yɛ kigagla, lɛ aki Aya kukpɔ̀kpɔ̀ ɔ. Aka ní lɛ aʋa mɔmɔmɔ si kigagla kilɛ Aya awla gi aabitɛ kidiliɛ gi aka aplɛ ɛ.

ŋwisi kiliɛ gi bɛŋwlimi kpɛ ní Aya yɛ liboe le me si, “Mabitɛ wɔ ɔka aki amade glegle.” Yɛ onu blɔ ɔka ní Aya aŋu mɛ, gi yɛ aʋa Abraham azɛ aŋa ɛ, Aya gi yɛ kigaglaɛ kizɛɛki bekpo ba bizeedzi ligbã́ nɛ ɛ, lɛ yɛ izɛɛki si kidɔ gi kíze edi i, si kiba kɛ mɛ.

Kɔkpɛ blɔ eboe zimizi na loso e, Aya ayurɔ yɛ akɔ si otse, lɛ Aya ayɔni yɛ tɔ ɔlulɔ blɔ ni Aya kusi i.

Abraham azɛ aŋa lɛ edi kudeonu, gi nya liboeboe líze e, gi liaki kudeonudidi uliɔ klɔ ɔ, gani lɛ mɛ ɛ, lɛ edzì “ɔka aki amade glegle e.” Ŋwisi kiliɛ gi bɛsi yɛ si “nite wɔ besoebi ba kyɛ biasrɛ ɛ.”

Lɛ loso Aya yɛ kakaplɛa, bɛtrɔ ka ní kuziŋaa aʋa, tɔ kakaplɛa keze liklatrɔtrɔ ŋwisi Aya yɛ lipomepɛpɛ nɛ bidɔkɔkɔ faã ki Abraham yɛ besoebi ba petee aní ki banɔ baklɔ gi bizɛɛga ní Ɔsã nɔ aʋa a, pɔ̀ ki banɔ baklɔ fɛ gi bɛziŋa ŋwisi Abraham kinɛ ɛ. Lɛ ese linu si Abraham yɛ onu ɔka ki blɔ petee

Dawid apani si “Isami iaku banama gi bɛkɔ ba kesetataa ɛkyɛ ba a, isami iaku banama gi bɛkɔ bidɔ ewe ba eboe zimizi na ɛ. Ɔsamì nɛ onu ɔniliɛ klɔ gi Ɔkaɛ ɔ́trabu akɔnta ní yɛ kesetataa su u!”

Lɛ ese linu si Aya liboe le lipani si, “Abraham azɛ Aya aʋa aŋa, lɛ kɔkpɛ yɛ kuziŋaa loso e, Aya azɛ yɛ ŋwisi ɔnɔ gi yɛ kude kwigyɔ ɛ.”