Popular Bible Verses from Roma 12

Share

Mlakízɛɛbitɛ kidiliɛ gi kelea lia mɛ banima bizɛbitɛ tɔ ɔ, boŋu i, mlaki tɔ Aya okyi mlɔ kimɛ mɛ gani mlɔ begyodi ʋa kukyíkyi petee me. Atɔ mlaatani Aya yɛ kupɛpɛɔ kute, kidiliɛ gi kipɛ ɛ, xe kiku yɛ aŋu u, xe kina ɛ.

Lɛ loso mɛ benemi ba a, kɔkpɛ Aya yɛ asigaga glegle la ki blɔ onu i, mɛɛki mlɔ litukpo kpaŋu si: Mlakɔ isu aki Aya ŋwisi bidɔpɔʋipɔʋi gi bilɛ ligbã́ kinɛ ɛ. Mlakɔ isu aki yɛ axwɛ na tɔ mleku yɛ aŋu u. Lɛ ya linu Ɔfuɛfuɛ nɔ mɛ kusumu yo ɔtutɔ lɔ gi lilɛ si mlakɔ ɔ.

Mlaki mlɔ kudeonudidi yo kukpɛ mlɔ isami, mlaplɛ litɔ kese ní mlɔ baxixa ʋa mɛ, ani tɔ mlaxwa Aya lipoe kakaa.

Mlakíki si kuzimizi kuŋa mlɔ aʋa a; boŋu i, mlaŋa kuzimizi aʋa ni eboe gbã.

Mlalɔ mlɔ ahanuglɔ ba ŋwisi baʋaziŋa kinɛ ɛ, tɔ lifa mlɔ mɛ tɔ mlakpɛ kubùbù ní mlɔ ahanuglɔ ba su.

Mlaki tɔ mlɔ kunɔlɔɔ kudɔ ní ɔna mɛ. Mlekyri eboe zimizi, tɔ mlevu kidiliɛ gi kipɛ ɛ.

Bitɛ kidɔ kakaa gi wɔatanɔ ɛ ní wɔ kapɛa mɛ tɔ ze ní kusuyɔ mɛ ni ɔnɔ kakaa.

Mɛ ɔʋia yɛ, wukídzini liboe zimizi itsa ɛki ɔnɔnɔ, boŋu i, ki tɔ Aya yɛ kusuyeʋio kubitɛ lɛ ɛ. Lɛ ese linu si nite bɛŋwlimi kpɛ ní Aya yɛ liboe le me si, “Maabu kibu ye, Madzini le kutsa”, nite Ɔka Aya apani.

Mlawa axwɛ na gaglaa tɔ mlakíkpɛ asrã. Mlesumu Ɔkaɛ ni kusukɔkyɛ.

Lɛ kɔkpɛ Aya yɛ lipomepɛpɛ nɛ bidɔkɔkɔ gi aki mɛ onu i, mɛɛsi mlɔ mɛ ɔkakaa si: Mlakímuni isu ya asani kiliɛ gi liziã si lize e. Boŋu i, mlabubɔ isu ya ní mlɔ begyodi ʋa mɛ, tɔ mlaxwa litsi ni isu ya ní kuziŋa liɔ gi Aya aki mlɔ onu u.

Xe ɔnutɔ ata wɔ ese e, wukídzini liboe zimizi itsa ɛki yɛ ɛ. Kenidi tɔ bitɛ kidiliɛ gi ɔnɔ kakaa ebu si kipɛ ɛ.

Mlakɔ litɔ lɛ mɛ aki ɔnɔ kakaa tɔ mlɔ begyodi ʋa beze tule. Mlakífeke isu u, boŋu i, mlawa lixwɛ kakaa elu. Mlakíbù isu ya si mlete liboe e.

Boŋu kiliɛ gi Aya liboe le lipani si i; “Xe kuʋɛ kwiiku wɔ ahwafianɛ ma ɛ, ki ba kiŋaŋa a; xe olile eeku ba ɛ, ki ba kuni tɔ baŋwɛ; gani lɛ mɛ ɛ, wɔakpɛ ba kuye.”

Mlakrira banama gi baʋípɛ mlɔ ligbã ɛ, mlakrira ba mlakíxo ifi akpɛ ba a. Mlamɔ isami ni banama gi bɛɛmɔ isami nɛ ɛ, mlebemi ni banama gi beebemi i.

Mlalɛ mlɔ bidɔ mɛ ni mlɔ ahanuglɔ baʋaziŋa ba gi kididɔ kima ní ba awla ɛ, tɔ mladra mlɔ kupeo aki badɔbadɔba ba.

Lɛ kiliɛ gi ɔnɔ kakaa yɛ kisugyaɛ kiilɛ ní kupɛ glegle me e, xe kapɛ kakaa ka lixwɛ nɛ liga lidze e; Niteme ke gi kunu banɔ lidze lidze e, xe kwisrɛ kyɛ ɛ, kunu kisugya tile ní likpɔkpɛkpɛ mɛ ni Kristo, lɛ blɔ petee kwikpɛ likpɔ ni blɔ ahanuglɔ ba a, ŋwisi kiliɛ gi kisugyaɛ kupɛɔ kwikpɛ likpɔ kinɛ ɛ.