Popular Bible Verses from Roma 10

Share

Xegi wɔdra lɛ mɛ si “Yesu yɛ onu Ɔkaɛ ɛ,” xe wɔzi lɛ aʋa ŋa si, Aya ayɔni yɛ adɔ ni bekpo ʋa mɛ ɛ, Aya aabu wo

lɛ ese linu si gani blɔ kuziŋaa mɛ blɔ bede ʋa bɛgyɔ ní Aya aŋu mɛ; lɛ gani blɔ liboe le me kudradra mɛ ni blɔ inugu le e, kwiamɔ kubúbú yo.

Lɛ loso kuziŋaa kwiba gani liboe le kununu yo me e, lɛ liboe le kununu yo kwiba gani Kristo onu kubúbú yo me.

Liboe le lipani si, “Ɔniliɛ gi azɛ yɛ aʋa ŋa ɛ, ɔ́tramɔ aŋu mɛ tsetse.” Ɔnɔ kakaa ɔlɛ ní lɛ mɛ, lɛ ese linu si lidzegaga ɛtɔtɔ líma ní Yudanɛ loo banama gi bénu Yudanɛ kusi i; Aya yɛ onu Ɔka tole liɛ klɔ ki ɔnɔ kakaa, lɛ izɛki banama gi bizɛɛxwa yɛ ɛ, yɛ bidɔ gbã mɛ ní kisrɛsrɛ mɛ. Kiliɛ gi Aya yɛ liboe le lipani si, “Ɔnɔ kakaa gi aaxwa Ɔkaɛ yɛ linyi ne ki kupɔnɔ ɛ, aamɔ kubúbú.”

Lɛ kitɛ biapani liboe le xe bákpɛ baxwɛdzɛ ba ɛ? ŋwisi kiliɛ gi Aya yɛ liboe le lipani i si, “Baxwɛdzɛa ba gi bɛmani liboe gbã nɛ ɛ, ba kuklikpɔ kwizã lo!”

Pɔ̀ kitɛ ɛ biaxwa yɛ xe bázɛ yɛ aʋa ŋa ɛ? Lɛ kitɛ biatani yɛ aʋa kuziŋa xe bénu liboe le e? Lɛ kitɛ bianu liboe le xe ɔnɔnɔ ɔ́pani ní liboe le su i si ba ɛ?

Lɛ ese linu si Kristo aki si Ɔsã nɔ odu, tɔ ɔnɔ kakaa gi azɛ ŋa ɛ, biaki si yɛ bede ʋa biagyɔ ni Aya.