Popular Bible Verses from Filipi 4

Share

Mlakíkɔ lɛ mɛ akí kididɔ ɔ, pɔ̀ ní kidɔ kakaa mɛ ɛ, gani Aya kuxwaxwa ni bidɔ kuʋiʋi me e, mlakɔ mlɔ baziazia ʋa aki yɛ, lɛ xegi mleeʋi ye e, tɔ mlazeedo ye ɖase ni ɔna ní bɛ litukpo.

Atɔ Aya yɛ kusuyɔɔ gi kwimu isani ɔnɔ kesenunu kakaa ɛ, kwiapé mlɔ ina nɛ ni mlɔ begyodi ʋa su, ni Kristo Yesu me e.

Mɛ benemi ba ní lɛ ɔgù kɔ ɛ, kidiliɛ gi ki nu anukwarɛ ɛ, kidiliɛ su gi kuzɛɛkpɛ kubùbù u, kidiliɛ gi kigyɔ ɔ, kidiliɛ su gi kidra ɛ, kidiliɛ gi kizɛkpɛ isami i, kidiliɛ su gi bizɛɛpani eboe gbã a, xe kiditɔ kigyeno o, lɛ xe kukpɔ̀kpɔ̀ kutɔ kulɛ ɛ, mlegyo la ya elue edi i!

Mizɛɛtani kidɔ kakaa kubitɛ gani Kristo, ɔniliɛ klɔ gi izɛɛkpɛ mɛ kigaglaɛ mɛ ɛ.

Isami iku mlo ní Ɔkaɛ mɛ lipoe kakaa; meedzini pani si: Isami iku mlo!

Lɛ mɛ Aya aaki mlɔ mlɔ bidɔziazia ʋɛ petee dɔni yɛ exo glegle la mɛ kɔkpɛ Yesu Kristo loso.

Kidiliɛ gi mlɛkpasi i, loo kidiliɛ gi mlɛzɛ ɛ, loo mlenu idɔni mɔ klɔ, loo mlɛmɔ ní mɛ mɛ̀ ɛ, mlakɔ bɛ akpɛ axwɛwawa mɛ. Atɔ Aya gi izɛɛki kusuyɔ ɔ, aaze nì mlo.

Mlaki tɔ banima pɔ́ bete mlɔ ɔnayɔyɔ lɔ! Ɔkaɛ yɛ kibabaɛ kina pɔ́.

Mete kidiliɛ gi linu si tɔ ɔnutɔ oze ɔzianete e, lɛ mete kidiliɛ gi linu si tɔ ɔnutɔ oze oxonete e. Makpasi liboe kpòkpò lɛ ya si kizeze kakaa mɛ gi malɛ ɛ, lilɛ si kikè me, xe kuʋɛ kwiku me o, kike meke o, bidɔ bisrɛ ní mɛ awla o, kididɔ kíma ní mɛ awla o.

Maʋípani te kɔkpɛ mɛ baziazia ʋa loso o; lɛ ese linu si mɛkɔ ɛ, makpasi lɛ si, kizeze kakaa mɛ gi malɛ ɛ, lilɛ si kiku mɛ aŋu.