Popular Bible Verses from Hebr 6

Share

Kudeonudidi uliɔ ya kulɛ ní blɔ awla gi kunu ŋwisi ɔxɔ ki blɔ agbã́ na a. Kulɛ mumɔ lɛ kulɛ gagla gi kuzɛɛtani lisɔligba lɛ mɛ kusaa mɛ kuga a, gi kwiatiku ní ɔdradra klɔ ke e.

Lɛ ese linu si Aya ɔlɛ ní yɛ kude gyɔgyɔɔ aʋa, lɛ ɔ́tradze axwɛ ana gi mlɛwa a, loo kiliɛ gi mlɛlɔ yɛ ɛ, gani kupɔnɔ liɔ gi mlɛkɔ ɔ, xe mlɛɛki baʋaziŋa ba a.

Aya abitɛ eboe taʋa la ya, gi atrátani kukyi i, lɛ ese linu si Aya ɔ́tratani asia kusɛ ɛ. Lɛ loso blɔ banɔaya gi kwise trɛ ní yɛ kɔ ɔ, si kuvu kudeonudidi uliɔ gi bɛkɔ ɛplɛ ní blɔ aŋu mɛ awla ɛ, liakpɛ ɔna ní blɔ lipo.

Lɛ loso mlaki tɔ kutrɛ ɔtɔ nɔ ní kudɔbasɛ uliɔ gi kwidzi ɔtɔ mɛ ɛ, atɔ kuyurɔ bidɔbasɛbasɛ tɔpu imɛ gi kwikɔ ekpese liboe le ní Kristo su u. Líma si kudzini ɔxɔ vuvu kukpɛ ɛ, gi onu kukyikyi dɔni eboe zimizi i, gi izɛmani kutse me e, ani Aya aʋa kuziŋa mɛ.