Popular Bible Verses from Efeso 6

Share

Lɛ ese linu si kuʋíta kigũ ni banɔ ɔ, pɔ̀ ni litukpo me gagla ifuɛfuɛ ní lifunu ne kelea mɛ ɛ, baʋaŋa ba, banama gi bedi izekɔ ni liwɔ lɛ mɛ ɛ, bigagla ʋɛ ní kele zimizia lia ya mɛ, ifuɛfuɛ zimizi nɛ gi ilɛ ní kelea lia litumu ne me e, ni ifuɛfuɛ zimizi ne ní lifunu ne.

Bitɛ la ya petee ní Aya kuxwaxwa mɛ, ki Aya kupɔnɔ ɔ. Xwa Aya lipoe kakaa, kiliɛ gi Ɔfuɛfuɛ nɔ aagbani wɔ ɛ. Lɛ loso ze ni aŋu tɔ wukíki litukpo lipoe tɔtɔ ɔ; xwa Aya lipoe kakaa ki Aya yɛ banima petee.

Kpɛ bidɔ mɛ petee gi Aya aki wɔ ŋwisi ɔguta awu gi izeekpo ye kinɛ ɛ, tɔ wɔatani kulɛɛ ní ozimizi ye edeke la onu.

Lɛ loso kpɛ Aya yɛ kigũ yɛ awu ala petee gi aakpo wɔ ɔnɔse lo e, abla! Atɔ xe liwe zimizi ne lina ɛ, wɔatani ahwafiɔnɛɛ yɛ axwɛwawa la onu kulɛ ɛ, lɛ ní kigũ yɛ kede e, wɔatani kulɛ ní wɔ ɔlɛɛ klɔ ɔ.

Lɛ lipoe kakaa ɛ, vu wɔ kuziŋaa ŋwisi bidɔ gi wɔakɔ nì asia na itrɛɛ nɛ gi iisɔ ŋwisi kifu kinɛ ɛ, gi ozimizi ye aata ɛ. kɔ wɔ kubúbú yo kume ŋwisi wɔ akatsaloglo ye kinɛ ɛ, atɔ kɔ Aya yɛ liboe le ŋwisi wɔ ihɛ gblamadza yɛ gi Ɔfuɛfuɛ nɔ aaki wɔ ɛ kinɛ vu ni wɔ ɔwla ʋla lɔ.

Lɛ loso e, bla tɔ lɛɛ, tɔ nya wɔ kasɛa mɛ ni anukwarɛɛ ŋwisi kasɛmɛ ɔnyagbe kinɛ ɛ, tɔ kɔ ligbã́ gi lɛ kude kwigyɔ ɛ, ŋwisi wɔ kakɔ mɛ liwu gi liakpo wɔ kakɔa mɛ kinɛ ɛ. Kpɛ kublabla ki kusuyɔɔ Liboe Gbã nɛ kupaniɔ ŋwisi wɔ afɔkpa ʋa kinɛ ɛ.

Tɔ migù mɛ liboe le e, ze kigagla ní Ɔkaɛ mɛ lɛ ese linu si yɛ kigaglaɛ ki srɛ ɛ.

“Kpɛ kubùbù ní wɔka ni wone su” lɛ linu ɔsã tɔpu nɔ gi kakáplɛ kalɛ apɔni lɔ ɔ: “tɔ liadɔ ní lɛ aʋa ɛki wɔ, atɔ wɔaze ligbã́ gblamadza ní kesea aʋa.”

Banuvɔ ba, linu si mlenu mlɔ bapɔnɛ ba igbè tɔ mlebù ba, lɛ ese linu si lipɛ lɛ nite lilɛ si mlabitɛ ɛ.