Popular Bible Verses from 2 Timo 3

Share

Kidɔ kakaa gi bɛŋwlimi kpɛ ní Kuŋwlimi dradraa mɛ ɛ, Aya yɛ ebu ke abasɛ, lɛ kipɛ ɛki anukwarɛɛ bidɔbasɛbasɛ, kí aŋu mɛ kukaka, ki kupɔnɔ ki banima tɔ bekyi ba biboebitɛ zimizi ʋe, ni tɔ biki kuhehe ki ligbã gbã kuzeze e, atɔ ɔniliɛ gi eesumu Aya ɛ, aana ní kapɛ kakaa mɛ ki axwɛ gbã kuwawa a.

Plɛ aŋu si ligbã́ nɛ litráze gagla ní ewe gɔgɔ la mɛ. Banima biaze bamimi nɛ ni banɔ gi bɛdimɛ ni kibɔ ɔ. Biaze basudɔ ni banɔ gi beku isu ya aŋu u. Banima biaze banɔkpini ni banɔ gi bátrabù ba bapɔnɛ ba a, Biaze banɔ gi bidɔ bitráku ba aŋu u, ni banɔ gi ba isu ítradra a; batrápɛ̀ lipo me ɛki banɔ ɔ, batrádi ɔnɔ asigaga a, biazegu kunugu banɔ su, bátraŋa isu aʋa a, ba etukpo me azeegagla lɛ batrápɛ́ kidɔ gbã a. Biaze banɔ gi bizɛga banɔ ese e, banɔ gi bali nì ba begyodi ʋa kude e, banɔ gi beku isu liŋu u, xe kusudɔɔ kwiyi ba mɛ ɛ, biadimɛ ni ligbã́ ŋaŋa sani Aya kulɔlɔ; biazɛɛbitɛ ŋwisi beesumu Aya a, pɔ̀ batrázɛ Aya yɛ kigaglaɛ ɛ. Ya kí banɔaklɔ ba elu e.