Popular Bible Verses from 2 Korinto 12

Share

Pɔ̀ ebu le onu si; “Mɛ lipomepɛpɛ nɛ lisrɛ ɛki wɔ, lɛ ese linu si mɛ kigaglaɛ kizɛɛna kɛ ɔna klɔ ní kubotsobotso me.” Lɛ loso maadɔ isu isanɔ nì isami ní mɛ kubotsobotsoo me e, atɔ Kristo yɛ kigaglaɛ kiaze ní mɛ aʋa.

Lɛ ɔkpɛ Kristo loso e, lilɛ mɛ ole xegi mebotso o, xegi beekpini me e, xegi malɛ ní kuxixa mɛ ɛ, xegi bɛyɔ kedu ní mɛ su u, xegi eboe la aʋítrɛ lɛ aʋa ɛki mɛ mumɔ ɛ. Lɛ ese linu si, xegi mebotso e, kɔ malɛ gagla ɛ.

Xe nya mapɛ si midɔ̀ isu ya ɛ, mátraze kanukpaʋi i, lɛ ese linu si maazɛpani anukwarɛɛ. Pɔ̀ mátradɔ̀ isu ya a, lɛ loso ɔnɔnɔ ɔ́tramɔ mɛ ɔnɔ ʋidi sani kiliɛ gi amɔ mɛ kidiliɛ gi mabitɛ ɛ, ni eboa la gi mapani i. Pɔ̀ tɔ mikíze ní kusufekeo ni kusudɔɔ mɛ ɛ, kɔkpɛ eboe ʋidi a la gi bebu ibasi mɛ loso ɛ, bɛkpɛ kunya gi kulɛ ŋwisi kibu kinɛ ɛ, ní mɛ isu ya mɛ, dɔni Ozimizi ye yɛ ɔxwɛdzɛ klɔ gi kwiwa axwɛ na tɔ mikifeke isu ya a.