Popular Bible Verses from 2 Korinto 1

Share

Mlaki tɔ kudo Aya gi onu blɔ Ɔkaɛ Yesu Kristo Yɛka ɖase e. Ɔka gi izedi banɔ asigaga a, xe yɛ izɛki ɔnɔ kakaa ɔnadɔdɔ ɛ! Yɛ izɛɛpɔni blɔ ní blɔ baxixa ʋa petee me tɔ blɔ kwitani banama gi beku baxixa ede ede na mɛ ɛ, kupɔnɔ, kiliɛ gi blɔ fɛ Aya apɔni blɔ ɛ.

Lɛ ese linu si kiliɛ gi Kristo yɛ ɔzia mɔmɔ nɔ ɛgbigba eku kpaŋu ní blɔ agbã́ na mɛ ɛ, nite ke gani Kristo me e, blɔ ɔnadɔdɔ lɔ aagbigba.

Ní anukwarɛɛ mɛ ɛ, kwimɔ egyesi si bɛtsa kutsépia ɛki blɔ. Pɔ̀ liboe lɛ ya liba lɛ mɛ nite tɔ kukíkɔ aŋu atrɔ ní blɔ isu ya aʋa a, pɔ̀ tɔ kukɔ trɔ ní Aya aʋa a, gi yɛ izɛɛyɔni bekpo ʋa ɛ.

Abla ɛ, Aya izɛki si blɔ ni mlɔ kuzɛɛlɛɛ gagla ní Kristo me. Yɛ asra kumu yɔ aki blɔ lɛ akpɛ blɔ lixaŋu nɛ si kunu yɛ banɛ ɛ, lɛ akɔ yɛ Ɔfuɛfuɛ Dradra lɔ akpɛ ní blɔ ina nɛ mɛ ɛ, tɔ bize ŋwisi bidɔ gi bɛtsa ɛplɛ ní blɔ litukpo o, gi biitrɔ likla ni kidiliɛ gi kitraba ɛ, aʋa.

Xegi kuli ní kuyeʋiyeʋi me e, linu mlɔ ɔnadɔdɔ ni kubúbú; lɛ xegi bɛyɔ blɔ ɔna ɛ, linu ɔnadɔdɔ ɛki mlɔ, gi lɔ izɛɛmani litɔplɛplɛkese ní igyidodo me ki mlɔ ní ɔzia nɔ ke gi kwimɔ mɛ ɛ.