Popular Bible Verses from Yocwa 1

Share

Mom aciki? Yin cuŋ atek ame cunyi nwaŋ. Kur ibed alwor, cunyi daŋ kur poti, pien Rwot Obaŋani tye kedi i kabedo luŋ ame ibino wot iye.”

Buk cik-ki koppere mom bino rwenyo i dogi, ento bino bedo i cunyi dyeceŋ kede dyewor, me wek igwokere icobo kop luŋ kite ame ocoo kede i yie. Mannono bino miyo yori bedo aber, eka nyimi te bedo a myero i jami luŋ.

Yin myero ka icuŋ atek ame cunyi nwaŋ meicel, kun daŋ igwokere i cobo cik luŋ kite a rik amirona Muca ociki iye; kur igak iye oko i te dok i ciŋi tuŋ cem onyo tuŋ cam, me wek nyimi bed a myero i jami luŋ i kabedo luŋ ame iwoto iye.

Mom gire tye ŋattoro kadi acel ame bino cuŋ i nyimi pi kare me kwo meri luŋ. Abino bedo kedi arom aroma i kite a rik abedo kede Muca; mom abino boli, dok mom abino weki ata.

Cuŋ atek ame cunyi nwaŋ pien yin ibino miyo jo man leo lobo ame rik akwoŋo pire baŋ kwarigi ni abino miyogi.

Kabedo acel acel ame tyenwu bino nyono nwoŋo doŋ atyeko miyowu oko kite a rik aciko kede baŋ Muca

“Amirona Muca doŋ oto oko; pi mannono yin aman doŋ ya iwot Jordan-ni, yin karacel kede jo man luŋ, me idony wunu i lobo ame an amiyogi, gin jo Icrael.

I ŋe to a Muca ame obedo amiro a Rwot, Rwot okobbi Yocwa wot a Nuni, amiro a Muca ni

Cakere i tim kede i Lebanon kan, tuno naka i twoŋ kulo adwoŋ me kulo Efurate, lobo a jo Kitti luŋ naka dok kede i Nam Adwoŋ ame tye tutuŋ to, mano luŋ bino bedo lobowu.

Ŋattoro keken ame bino jem i gin iciko eka mom te winyo koppi, i ginnoro luŋ ame icike iye, dano-nono obino neko aneka. Yin myero ka icuŋ atek ame cunyi nwaŋ.”

“Bebea wunu i dye gony, icik wunu jo ni, ‘Yik wunu pekewu me dwoko lao iyo, pien odoŋ i nino adek keken ibino wunu ŋolo Jordan, me iwot i gam wunu lobo ame Rwot Obaŋawu omiowu me bedo megwu.’ ”