Popular Bible Verses from Oŋolkop 7

Share

Rwot te kobo baŋ Gideon ni, jo ame tye baŋi-ni pol meicel, ame ka abino miyo jo Midian i ciŋe kede lwak jo-ni luŋ, bino miyo jo Icrael wakere i koma, ni mannono, “Ciŋa gira en olara.”

Rwot te kobbi Gideon ni, “Abino larogi kede jo mia adek ame omato pii kun gamoro i lebgi bala gwok, ate miyo jo Midian i ciŋwu. Mi jo ocele mege-ni luŋ dok gigi pacogi.”

Pi manono, kobbi lwak ni, “Ŋat ame lwor dok ame kome amyel, myero en dok gire paco.” Gideon daŋ te temogi kittono, eka jo tutumia pyeraryo wie aryo rik te dok paco, te doŋ jo tutumia apar.

Rwot te kobo baŋ Gideon ni, “Jo pol meicel; tergi i pii, me awot atemgi koŋ kuno. Ŋat ame an abino kobbi ni, ‘Dano man bino wot kedi’, bino daŋ wot kedi; cite ŋat ame abino kobbi ni, ‘Dano man mom bino wot kedi’;”

En te tero lwak kan apii tye iye eka Rwot te kobbe ni, “Ŋat ame bino gamoro pii kede lebe ka amato, kite ame gwok gamoro kede ka ama to pii, dano-nono ibino poko pat; ibino daŋ timo kittono i kom dano acel acel ame bino rumo piny me mato pii.” Wel jo ame te mato pii i ciŋgi kun ogamoro kede lebgi bala gwok, te romo mia adek, cite jo ocele mege luŋ te rumo aruma me mato pii.