Popular Bible Verses from 1 Obakki 3

Share

Tim ber doŋ imia an amironi cuny me ryeko me loyo lwakki, me aŋe poko gin aber kede gin arac. Kara ŋa ame romo loyo rokki adwoŋ wok-ki?”

an abino timo kittono. Nen ba, amii doŋ ryeko kede diro adwoŋ meicel a kato jo luŋ ame otelo nyimi kede jo luŋ ame bino lubi; mom tye ŋattoro ame bino bedo aryek calo yin.

Obaŋa te gamo ni, “Pien ikwao man, kun mom iparo piri keni ite penyo ni kono ami iperakino kare alac, onyo ni amii lonyo, onyo ni kono aneko okworri oko, ento ilunyo kwayo ni amii cuny me ryeko ame twero miyi iŋeo gin atye atira

Abino daŋ miyi gin ame mom ikwao: ibino bedo twon alonyo a mom twerre, kun daŋ owori atek, ame mom tye abaka moro ame bino pore kedi pi kare luŋ me kwoni.

Dok daŋ ka ibino tiyo gin ame an amito, kun igwoko icwilla, kede cikka, kite ame pappi Daudi obedo timo, abino medo kare me kwoni daŋ bedo abubup.”

Kare ame en tye i Gibeon kuno, Rwot onen baŋe dyewor i waŋ lek te kobbe ni, “Peny gin ame imito ni myero ami baŋi.”

Doŋ ba, ama Rwot Obaŋana, yin doŋ imia an amironi adoko abaka akaka pappa Daudi, kadi bed an pwod atin atidi moro, ame mom ru aŋeo loc.

Kwac a Culeman-ni te yomoro cuny Rwot atek.

Culeman te gamo ni, “Yin doŋ ityeko nyuto twon mar meri adwoŋ a mom lokere baŋ amironi pappa Daudi, pien en rik obedo ŋat a genne i tiyo gin ame yin imito, dok kite onwoŋo tye atira, kun yie daŋ ler i komi. Dok yin imedde nyutte twon mar adwoŋ a mom lokere-ni, imie-gu wode ame aman en ame tye ka loc kakare.

An doŋ atye i akina joni ame yam iyero, ame gin obedo rok adwoŋ meicel, welgi bup atek ame mom romo kwanne pi polgi.