Popular Bible Verses from Rôm 6

Share

Yua kơ nua apah kơ tơlơi soh jing tơlơi djai, samơ̆ gơnam Ơi Adai pha brơi jing tơlơi hơdip hlŏng lar amăng Krist Yêsu, Khua Yang ƀing ta.

Yua kơ tơlơi soh ƀu či jing khua kơ ƀing gih dơ̆ng ôh, yua kơ ƀing gih ƀu dŏ gah yŭ tơlơi juăt, samơ̆ dŏ gah yŭ tơlơi pap.

Tui anŭn, hăng tơlơi ƀatem Ơi Adai hmâo dơr laih ƀing ta hrŏm hơbĭt hăng Ñu amăng tơlơi djai Ñu. Kiăng kơ kar hăng Krist hmâo hơdip glaĭ laih mơ̆ng ƀing djai hăng tơlơi ang yang Ama, kar kaĭ mơ̆n ƀing ta dưi hơdip amăng tơlơi hơdip phrâo.

Anăm jao lui sa črăn amăng drơi jan ƀing gih kơ tơlơi soh ôh kiăng jing hĭ gơnam yua brơi kơ tơlơi soh sat, samơ̆ jao bĕ ƀing gih pô kơ Ơi Adai jing kar hăng ƀing mơnuih hơdip glaĭ laih mơ̆ng tơlơi djai, laih anŭn jao bĕ črăn amăng drơi jan ƀing gih jing gơnam yua brơi kơ tơlơi tơpă.

Ƀing ta thâo kơ mơnuih hơđăp ƀing ta hmâo pơ̆ng laih ƀơi kơyâo bơrơkal hrŏm hơbĭt hăng Ñu, kiăng kơ drơi jan soh sat dưi răm rai hĭ, tui anŭn ƀing ta ƀu jing hlŭn kơ tơlơi soh dơ̆ng ôh.

Tui anŭn ăt kar kaĭ mơ̆n, brơi ƀing gih yap bĕ ƀing gih pô hmâo djai laih gah kơ tơlơi soh, laih anŭn hlăk hơdip gah kơ Ơi Adai amăng Krist Yêsu.

Tui anŭn hơgĕt ƀing ta či laĭ lĕ? Djơ̆ mơ̆ ƀing ta ăt dŏ ngă soh dơ̆ng kiăng dưi hmâo tơlơi pap lu jai? Ư ưh, ƀu djơ̆ ôh! Ƀing ta hmâo djai laih kơ tơlơi soh hyư̆m ƀing ta dưi dŏ hơdip amăng tơlơi soh dơ̆ng lĕ?

Ƀing gih ƀu thâo ôh hă tơdah ƀing gih brơi drơi jan ngă hlŭn kiăng tui gưt kơ sa čô mơnuih, tui anŭn ƀing gih jing hĭ hlŭn kơ pô ƀing gih tui gưt anŭn yơh. Thâo dah hlŭn kơ tơlơi soh ba kơ tơlơi djai, ƀôdah hlŭn kơ tơlơi tui gưt ba kơ tơlơi tơpă.

Samơ̆ bơni hơơč kơ Ơi Adai, yua kơ hlăk hlâo adih ƀing gih hmâo jing hlŭn kơ tơlơi soh, samơ̆ ră anai hăng abih pran jua ƀing gih čơdơ̆ng tui gưt laih kơ mơta tơlơi pơtô kơ ƀing gih kơ tơlơi jao ƀing gih pô. Tui anŭn yua kơ hmâo klaih rơngai laih mơ̆ng tơlơi soh, ƀing gih jing hĭ hlŭn kơ tơlơi tơpă.