Popular Bible Verses from Rôm 10

Share

Yua kơ tơdah amăng bah ih pơhaih Yêsu jing Khua Yang, laih anŭn pran jua đaŏ kơ tơlơi Ơi Adai hmâo pơhơdip glaĭ Ñu mơ̆ng tơlơi djai, ih či klaih yơh.

Yua kơ hăng pran jua đaŏ, ƀing ta dưi hmâo tơlơi yap tơpă; laih anŭn hăng amăng bah pơhaih, ƀing ta dưi hmâo tơlơi pơklaih.

Tui anŭn, tơlơi đaŏ tơbiă rai mơ̆ng tơlơi arăng hmư̆, laih anŭn tơlơi arăng hmư̆ tơbiă rai mơ̆ng boh pơhiăp Yang Krist arăng hmâo pơtô.

Hră Ơi Adai pơhiăp čih: “Hlơi pô đaŏ kơ Ñu ƀu či hmâo tơlơi mlâo hañ ôh.” Yua kơ ƀu hmâo tơlơi pơkah pơpha ôh tơ̆ng krah ƀing Yuđa hăng ƀing Grek. Yua kơ gơñu hmâo hrŏm hơbĭt kơnơ̆ng hasa Khua Yang jing Khua Yang kơ abih bang mơnuih. Pô pha brơi tơlơi pap rơbeh blai kơ hlơi pô iâu laĭ kơ Ñu. Yua kơ “hlơi iâu kơwưh kơ anăn Khua Yang či dưi klaih.”

Laih anŭn hyư̆m mơnuih dưi pơtô tơdah arăng ƀu pơkiaŏ nao gơñu ôh? Tui hăng Boh Pơhiăp Ơi Adai hmâo čih “Hiam rŏ yơh kơ plă tơkai ƀing mơnuih nao pơhaih Tơlơi Phrâo Hiam!”

Samơ̆ hyư̆m gơñu dưi iâu laĭ kơ Ơi Adai tơdah gơñu aka đaŏ ôh? Hyư̆m gơñu dưi đaŏ kơ Ơi Adai tơdah gơñu aka hmư̆ ôh? Laih anŭn hyư̆m gơñu dưi hmư̆ tơdah ƀu hmâo mơnuih hyu pơtô?

Yua kơ Krist jing hnal tuč kơ tơlơi juăt, kiăng yap tơpă kơ abih bang hlơi pô đaŏ.