Popular Bible Verses from Tơlơi Bơrơđah 12

Share

Ƀing gơñu hmâo dưi hĭ laih hăng ñu yua mơ̆ng drah Ană Triu, Laih anŭn yua mơ̆ng boh pơhiăp ƀing gơñu ngă gơ̆ng jơlan; Ƀing gơñu ƀu hơ-ưi ôh kơ tơlơi hơdip gơñu tơl djai.

Kâo hmư̆ amăng adai asăp kraih laĭ: “Ră anai tơlơi pơklaih, tơlơi dưi mơyang, Dêh čar pơtao kơ Ơi Adai ƀing ta, Laih anŭn tơlơi dưi Yang Krist Ñu hmâo truh laih, Yua kơ pô phong kơ ƀing adơi ayŏng ƀing ta, hrơi mlam ñu phong ƀing gơ̆ ƀơi anăp Ơi Adai, Ơi Adai hmâo glŏm trŭn ñu laih.

Laih anŭn arăng glŏm trŭn hĭ ana grai prŏng pơ lŏn tơnah, jing ala đưm adih, arăng pia ñu jing Yang Sat ƀôdah Satan, pô plư pleč abih bang mơnuih mơnam amăng lŏn tơnah. Arăng ăt glŏm trŭn ƀing ding kơna ñu hrŏm hơbĭt hăng ñu mơ̆n.

Hnŭn yơh, Ơ khul tal adai, laih anŭn ƀing mơnuih dŏ amăng anŭn, Hơ̆k mơak bĕ! Samơ̆ răm ƀăm yơh kơ lŏn tơnah laih anŭn ia rơsĭ, Yua kơ yang sat thâo hrơi mông ñu ƀu dŏ sui dơ̆ng tah, Hnŭn yơh ñu kreñ hil laih anŭn trŭn nao pơ ƀing gih.”

Hlăk anŭn hmâo sa tơlơi pơblah amăng adai, Mikel hăng ƀing ling jang ñu pơblah hăng ana grai; ana grai laih anŭn ding kơna ñu ăt pơblah glaĭ mơ̆n.

Ana grai hil biă mă kơ đah kơmơi anŭn, laih anŭn ñu nao pơblah hăng ƀing ană kơ đah kơmơi anŭn dŏ glaĭ, jing ƀing tui gưt boh pơhiăp Ơi Adai pơtă laih anŭn hmâo tơlơi Yêsu ngă gơ̆ng jơlan.

Hmâo sa gru kơnăl prŏng tơbiă rai amăng adai adih: Sa čô đah kơmơi hmâo yang hrơi gom jum dar ñu, laih anŭn yang blan ƀơi gah yŭ tơkai ñu, ƀơi akŏ ñu hmâo sa boh mŭk pơtao ngă hăng pluh dua asar pơtŭ. Ñu pi kian, laih anŭn ñu ur krao amăng tơlơi ruă nuă, ruă rơhet yua kơ giăm tơkeng.

Đah kơmơi tơkeng sa čô ană đah rơkơi, pô či wai lăng abih bang djuai mơnuih hăng sa ƀĕ gai pơsơi. Samơ̆ arăng glŏm lui hĭ ñu pơ gah rơngiao laih anŭn pŭ ba ană gơ̆ truh pơ Ơi Adai, truh pơ gre pơtao Ñu. Samơ̆ đah kơmơi anŭn đuaĭ kơdŏp amăng tơdrŏn har, pơ anŭn Ơi Adai hmâo prăp pre brơi laih kơ ñu sa boh anih, kiăng kơ ñu dưi hmâo mơnơ̆ng ƀơ̆ng huă amăng sa rơbâo dua rơtuh năm pluh hrơi.

Giơ̆ng anŭn amăng adai tơbiă rai gru kơnăl pơkŏn dơ̆ng: Hmâo sa drơi ana grai mriah prŏng hmâo tơjuh boh akŏ, pluh ƀĕ tơki, laih anŭn ƀơi tơjuh boh akŏ hmâo tơjuh boh mŭk pơtao. Aku ñu hua ba sa črăn amăng klâo črăn pơtŭ amăng adai, laih anŭn glŏm hĭ ƀing gơ̆ pơ lŏn tơnah. Ana grai dŏ ƀơi anăp đah kơmơi giăm tơkeng anŭn, kiăng kơ tơ đah kơmơi tơkeng ană ñu lun ƀơ̆ng hĭ ană gơ̆.

Samơ̆ arăng brơi kơ đah kơmơi anŭn dua pŏk čăng čĭm klang prŏng, kiăng kơ ñu dưi pơr đuaĭ mơ̆ng ana grai nao pơ anih ñu amăng tơdrŏn tač, ƀơi anŭn arăng či čem ñu amăng sa rơnŭk, lu rơnŭk laih anŭn sa mơkrah rơnŭk. Ana grai pruih tơbiă ia mơ̆ng amăng bah ñu hrup hăng ia krong tui klon đah kơmơi, kiăng kơr pơđuaĭ hĭ ñu. Samơ̆ lŏn djru pơklaih đah kơmơi anŭn, lŏn ha amăng bah laih anŭn lun hĭ ia krong ana grai pruih mơ̆ng amăng bah ñu anŭn.