Popular Bible Verses from Tơlơi Tơbiă 9

Share

Samơ̆ yua hơgĕt Kâo brơi ih ăt dŏ hơdip, yua kơ Kâo kiăng kơ ih ƀuh tơlơi dưi mơyang kâo, laih anŭn kiăng kơ anăn kâo arăng dưi ră ruai djŏp čar.

Yêhôwa pơhiăp hăng Môis: “Nao bĕ bưp Pharaôn laih anŭn laĭ kơ ñu, Yêhôwa, jing Ơi Adai kơ ană plei pla Hêbrơ laĭ: ‘Brơi bĕ ană plei pla kâo nao kiăng gơñu kơkuh pơpŭ kơ kâo.

Ră anai, kâo dưi yơr tơngan phak ih laih anŭn ană plei pla ih hăng tơlơi ruă teng kiăng kơ pơrai pơluč hĭ ih laih anŭn ană plei pla ih mơ̆ng lŏn tơnah.

Anai nê tơngan Yêhôwa či brơi kheng klin kơtang biă mă truh kơ khul hlô mơnơ̆ng ih dŏ pơ hmua, ƀơi aseh ih, aseh kle ih, aseh samô ih laih anŭn khul triu ih. Yêhôwa či pơkah pioh phara hlô mơnơ̆ng ană plei pla Israel laih anŭn hlô mơnơ̆ng ană plei pla Êjip, ƀu hmâo ôh sa drơi hlô mơnơ̆ng ƀing ană plei pla Israel či djai hĭ.’”

hrơi pơgi, amăng mông anai kâo či brơi hơjan pler prŏng aka hmâo djơ̆ ôh pơ čar Êjip mơ̆ng hrơi pơjing lŏn ia truh pơ ră anai. Tui anŭn ră anai, brơi ih tañ pơkiaŏ bĕ arăng pơƀŭt khul hlô mơnơ̆ng rong laih anŭn abih bang mơnơ̆ng ih hmâo pơ hmua mŭt amăng anih hơ-ĭt rơnŭk. Abih bang mơnuih laih anŭn hlô mơnơ̆ng dŏ pơ hmua, aka ba mŭt amăng sang, či djai hĭ abih tơ hơjan pler tuh trŭn.’”

Hơbâo anŭn či jing hĭ ƀruih lŏn djŏp čar Êjip, hơbâo anŭn jing hĭ tơlơi ruă teng hăng rơnah ƀơi drơi jan mơnuih laih anŭn ƀơi hlô mơnơ̆ng rong amăng abih čar Êjip.” Tui anŭn dua gơñu kuaĭ hơbâo mơ̆ng tơpur laih anŭn dŏ dơ̆ng ƀơi anăp Pharaôn; Môis jai đĭ hơbâo hăng ngŏ, hơbâo anŭn jing hĭ tơlơi ruă teng laih anŭn rơnah ƀơi drơi jan mơnuih hăng ƀơi hlô mơnơ̆ng rong.