Popular Bible Verses from Mariko 4

Share

Yesu wakawuka mu tulo na kuyichenya mphepo na kuti ku majigha, “Chetama! Kuti waka yii.” Mphepo yikareka kuputa ndipo kukaŵa bata likuru. Yesu wakati ku ŵasambiri ŵakhe, “Chifukwa uli mukopa? Kasi muchalije chipulikano?”

Ŵasambiri ŵakazura na wofi ukuru chomene, ndipo ŵakayowoyeskana yumoza na munyakhe ŵakati, “Ndi njani munthu uyu mweneuyo nanga ndi mphepo na nyanja vikumupulikira?”

Kweni Yesu wakagona pa musamiro ku umaliro wa ngaraŵa, ndipo ŵasambiri ŵakamuwuska ŵakati, “Musambizgi, kasi mukulorako chara kuti tikufwa?”

Yesu wakayowoyaso nawo wakati, “Chenjerani pa ivyo mukupulika! Chipimo icho mukweruzgira ŵanyinu, chenechicho ndicho Chiuta wizamkweruzgira imwe kwakuruska.

Yesu wakaŵaphalira wakati, “Ufumu wa Chiuta ukulingana waka na munthu uyo wakuseŵa mbuto yakhe mu munda. Na usiku wakugona ndipo na mulenje wakuwuka. Nyengo yose mbuto yira yikumera na kukura. Kweni mwenecho kuti wakumanya chara umo yikumerera.

Uyo wali na makutu ghakupulikira, wapulike!”