Popular Bible Verses from Mapisarema 37

Share

Farikana kwazvo kuna Jehovha; Iye agokupa zvinodikanwa nomwoyo wako.

Isa nzira yako kuna Jehovha; Vimbawo naye, iye achazviita.

Nyarara pamberi paJehovha, umurindire unyerere; Usava neshungu pamusoro poanofara panzira yake, Pamusoro pomunhu anoita mano akaipa aakafunga.

Vimba naJehovha, uite zvakanaka; Gara panyika, ushingairire kutendeka.

Mufambiro womunhu unosimbiswa naJehovha; Unofarikana munzira yake. Kunyange akawa, haangawiswi chose; Nokuti Jehovha anomutsigira noruoko rwake.

Iye achabudisa kururama kwako sechiedza, Nokururamisirwa kwako samasikati.

Rega kutsamwa, urashe hasha; Usava neshungu, zvinongotadzisa munhu.

Ndakanga ndiri muduku, zvino ndakwegura; Kunyange zvakadaro handina kutongoona akarurama achisiyiwa, Kana vana vake vachipemha zvokudya.

Usava neshungu nokuda kwavanoita zvakaipa, Usagodora vanoita zvisina kururama.