Popular Bible Verses from Zvirevo 15

Share

Mhinduro nyoro inodzora kutsamwa; Asi shoko rinorwadza mwoyo rinomutsa hasha.

Kutya Jehovha kunodzidzisa uchenjeri; Uye kuzvininipisa kunotangira kukudzwa.

Rurimi runyoro muti woupenyu; Asi rune nhema runoputsa mweya.

Pasingaranganwi mano anokona; Asi kuna varairi vazhinji ndokwaanosimbiswa.

Mwoyo, wakafara, unofadza chiso; Asi mweya unoputsa nomwoyo une shungu.

Meso aJehovha ari pose-pose; Achicherekedza vakaipa navakanaka.

Zviri nani kuti munhu ave nezvishoma, achitya Jehovha, Pakuti ave nepfuma yakawanda, achinyunyuta.

Munhu, ane hasha, anomutsa kukakavara; Asi anomwoyo murefu anonyaradza gakava.

Mwoyo wowakarurama unombofunga chaangapindura; Asi muromo wowakaipa unodurura zvakaipa.