Popular Bible Verses from 1 Makoronike 16

Share

Tsvakai Jehovha nesimba rake; Tsvakai chiso chake nguva dzose.

Vongai Jehovha; nokuti akanaka; Nokuti nyasha dzake dzinogara nokusingaperi.

Vongai Jehovha, mudane zita rake; Zivisai zvaakaita pakati pendudzi dzavanhu.

Zvirumbidzei muzita rake dzvene; Mwoyo yavanotsvaka Jehovha ngaifare kwazvo.

Rangarirai mabasa ake anoshamisa, aakaita; Zvishamiso zvake, nezvaakatonga nomuromo wake.

Muimbirei, mumuimbire nziyo dzokukudza; Rondedzerai mabasa ake ose anoshamisa.

Nokuti Jehovha mukuru, anofanira kurumbidzwa kwazvo; Iye anofanira kutyiwa kupfuura vamwari vose.

Ipai Jehovha kukudzwa kunofanira zita rake; Uyai nechipiriso, uyai pamberi pake; Namatai kuna Jehovha mune nguo tsvene.

Kukudzwa noumambo zviri pamberi pake; Simba nomufaro zviri panzvimbo yake

Imbirai Jehovha, pasi pose; Paridzirai kuponesa kwake zuva rimwe nerimwe

dudzirai kubwinya kwake pakati pavahedheni, Namabasa ake anoshamisa pakati pendudzi dzose.

Achiti, “Musagunzva vazodzwa vangu, Navaporofita vangu musavaitira chakaipa.”

Nokuti vamwari vose vendudzi zvifananidzo hazvo; Asi Jehovha ndiye akaita kudenga-denga.

Rangarirai sungano yake nokusingaperi, Iro shoko raakaraira kumarudzi ane chiuru

Kudenga-denga ngakufare, napasi ngapafarisise; Pakati pendudzi ngavati, “Jehovha anobata ushe.”

Jehovha Mwari waIsiraeri ngaakudzwe, Kubva pakusingaperi kusvikira pakusingaperi. Vanhu vose vakati, “Ameni,” vakarumbidza Jehovha.

Ipai Jehovha, imi ndudzi dzavanhu, Ipai Jehovha kukudzwa nesimba.