Popular Bible Verses from GENESIS 32

Share

Oute ccungccapaw nynh, “Na min tuh Jakob cikuh vae lan khyh, Israel cikuh vae cih, pawccecize nang tuh Pachia te mah na taekuh oh, ccungccaw te mah na taekuh oh zah phe na tae hae,” a ci.

Oute ccungccapaw nynh, “Oun cciasah ccavae, pawccecize khua vyavya dae vae,” a cipya. Thuasalama Jakob nynh, “Hythua nae pya khyh zetuh kae cciasah lan khyh,” a ci.

Jakob tuh a makhaete a umhy; te ccungccapaw te khuadae cia a theikuh hae.

Jakob nynh, “Pachia kha hawiliakute ka muih salamah ka hiin ung,” ci zah tuh-e hmin kha Peniel cite min a phu.

Ccungccapaw nynh Jakob kha ka tae vae khyh cipaw he nyh tuh, Jakob a kung kha phah a thong, te tuh-e paw te a theikuh lya hae khe Jakob a kungru tuh poh suhliakuh.

Tukeiccuze ccungccapaw nynh, “Na min hummou?” cite khia zah “Jakob” cite a khung.

Oute Jakob nynh, “Na min beih yn hopah,” a ci. Thuasalama aning nynh, “Pawcce ka min tuh nae khia?” a ci. Te tuin kyakhe Jakob kha hythua a pya.

Na seepaw nae muihsahpaw apaleihkuh leipaw lungzinaw balyn te atynpaw sungsahnaw balyn kya-e adih huapaw te sanmah ka ngaekuh khyh, pawccecize ka hoitang kyalya te nynh e Jordan vaw hynh ka zua; atu tuh phu ning lang ka tang vae.

Tukeiccuze atunin cia Israel ciihan hae nynh kung kya umpaw tharuipi kha ae khyh hae, pawccecize Jakob a kung kya-e tharuipi tuh aning nynh a thongnaw nynh thua.

Te Jakob nynh, “Pou ka paaw Abraham te ka paaw Isak Pachia, ‘Na ram te na uno hae kalan ki lah na tungvaw hoynaw ka rae cih,’ cite yn hopahpaw pou BAWIPAW

Ka upaw Esau kuih kyate beih yn luesah, pawccecize amaw kha ka rih; aning nynh yn cceih cih zah kaening balyn, nung hae ccaaw hae ryte pong oun theih vae cih.