Popular Bible Verses from GENESIS 24

Share

Te seepaw nynh sawsang zah, “Pou BAWIPAW , ka bawipaw Abraham Pachia, atunin ka laan ka sui yn uasahpah lah ka bawipaw Abraham kya apaleihkuh leipaw na lungzinaw kha tynsah tua.

Liaccanung kyakhe, ‘Thawccinawte tui ka nia ccaw, na tui-re kha beih yn pyatua,’ cite ka ho zah, ‘Neih ccaleih, na kalauh hae kha mah tui kae niasahpah cih hae,’ cite a hopaw liaccaw tuh na seepaw Isak hanlan na popaw thuasah. Tuhte athua zetuh ka bawipaw kya apaleihkuh leipaw na lungzinaw kha na tynsah vae cipaw ka nyh cih,” a ci.

Oute Isak nynh Rebekah kha a nung Sarah bu lungkhu lang a teekhae. Aning nynh Rebekah kha ko zah a zu lang a tang vae; Isak nynh Rebekah kha a sungsah. Tukeiccuze Isak tuh a nungchih koute Rebekah liate lungtangnaw a mue.

Te minmin nynh Rebekah kha hythuapya hae zah, “Kae ccianung, nang tuh ccungccaw athong patae nung lang la tang vae ii; na ciihan hae nynh mih rhaw hae khua kha la tae vae hae sah,” a ci hae.

“Ka umnaw Kanaan ccungccaw hae mih ccanung hae hynh ka ccapaw zu lang na dypya khyh nawlan, te ka ram, ka uno hae kalan na cceih cih zah ka ccapaw Isak hanlan zu na dypya nawlan, na kuih kha ka phae kaw nung lah vaaw te lae Pachia, BAWIPAW min te bya kae kinsakuh cih,” a cipya.