Popular Bible Verses from EXODUS 32

Share

Moses tuh mua vawlan te rungbung leite khaw cia aro vae cipaw kha ccungccaw hae nynh he a nyh hae tuh, Aaron pe khe oun sueluakuh hae zah, “Kae malang a cceih cih paw pachia hae kha kaening hanlan oun raepah; Izip ram kyate oun poukhaepaw Moses hynh pawte acyiku vae cipaw kae nyh khyh,” a cipya hae.

BAWIPAW nynh Moses kha, “Arangte la cceihbung! Izip ram kyate na poukhae hae paw na ccungccaw hae tuh a ccouseikuh vae hae; zui lan kaw ka pya hae paw laanpi kyate arangte a maeleihkuh vae hae; vaetuataw kha raekute beik hae zah tuh-e kalan khe si a lawku hae, te ‘Pou Israel, e pachia hae tuh nang kha Izip ram kyate ae poukhaepaw na pachia hae nynh thua!’ cite a hoku hae,” a cipya.

Aaron nynh tuh-e a cyisahnaw hae kha he a muih tuh, tuh-e zohtuh malang khe silawhang ccangkheit kha a rae; te Aaron nynh, “Awkhualan tuh BAWIPAW hanlan poitua nin athua cih,” a cipya hae. Minmin nynh awkhualan nin kya tuh awkhua takaw te tho hae zah maee-u te pyanaw kha rae hae zah ccawkunaw silawnawpaw hae kha a thuakhae hae; te ccungccaw hae tuh ae khylan te nia khylan a haung hae, te hoysah khylan a thokuh hae.

Awkhualan khe Moses nynh ccungccaw hae kha, “Myarya lepaw seinaw kha phe na rae vae oh. Thuasalama BAWIPAW kalan ka la cceihthung cih zah nae seinaw hanlan seingaethyanaw kha poh ka rae kho vema,” a cipya hae.