Popular Bible Verses from EXODUS 2

Share

Pachia nynh a hawkhaenaw hae roi kha thae zah Abraham, Isak te Jakob kya a la raepaw a byakinnaw kha a liathui. Tukeiccuze Pachia nynh Israel hae kha do hae zah minmin konglang kha a tua.

Ccyh hynhsepi aro koute Izip siapharan tuh a chih vae. Israel hae tuh seetangnaw zakaw kya hawkhaekuh hae zah a sia hae. Seetangnaw keiccuze bawmnaw ngiakute a siaruanaw hae tuh Pachia kya phe a thua.

Imua he a le tuh, nopinung nynh imua kha Faro ccanung kalan cciakhae zah aning nynh a ccapaw lang a lawku. Aning nynh imua kha Moses cite min a phu, “Pawccecize tui kyate atolang ka lawkupaw nynh thua,” a ci.

Faro ccanung nynh imua a nung kha, “E imua hynh cciakhae lah kamaw hanlan yn kuapah, nae kuapya mee kha kae pya cih,” a cipya. Tukeiccuze nopinung nynh imua kha cciakhae zah a kuapya.

Faro siapharan ccanung tuh vawkhu lang tuisingku lan yn cceihbung zah a seenung hae ryte vawkhu kin khe a cceih hae. Faro ccanung nynh abawng kha lonua ahang hae paw laku khe muih zah a seenung kha tuh-e abawng law lan a naw.

Moses nynh he yn le tuh, a minphuin hae kalan cceih zah nangsekute ryalah hae paw kha a muih hae. Izip paw lu kheit nynh Moses a minphuin a thuapaw Hebru paw lu kheitpaw a buapaw kha Moses nynh a muih. Moses nynh a pepan ngawdo zah lu kheit sanmah he a muih khyh tuh, Izip paw kha theih zah laesia kya a thuruh.