Popular Bible Verses from Revelasyon 9

Share

Malgre sa, rès moun sou latè yo, sa ki pa te mouri anba kalamite sa yo, pa te sispann adore satan ak zidòl lò, lajan, bwonz, wòch epi ak zidòl bwa, zidòl ki pa ka wè ni ki pa ka tande ni ki pa ka mache. Wi, atousa, moun sa yo pat chanje jan yo t'ap viv la, yo pat sispann touye moun, fè maji, lage kò yo nan imoralite ak vòlò zafè moun.

Yon bann krikèt vèt soti nan lafimen an, yo gaye kò yo toupatou sou latè. Yo ba yo menm pouvwa ak eskòpyon. Yo te di yo pou yo pa te fè malè sou onkenn zèb, ni okenn pyebwa, ni sou okenn lòt plant. Se sou moun sèlman pou yo te fè malè. Epi se pa sou tout moun non, se sèlman sou moun ki pa gen letanp Bondye sou fwon yo.

Apre sa, senkyèm zanj lan kònen klewon l lan. Mwen wè yon zetwal sòti nan syèl la tonbe sou latè. Yo ba l kle pou louvri pi ki mennen desann nan gwo twou san fon an.

Krikèt yo pat gendwa touye moun sa yo. Men, pandan senk mwa yo te gendwa fè yo soufri. Krikèt yo fè moun yo soufri tankou si se eskòpyon ki te mòde yo.

Yo te gen yon wa alatèt yo. Se zanj gwo twou san fon an. Yo rele li Abadon nan lang ebre yo epi Apolyon nan lang grèk yo, ki vle di: moun k'ap kraze brize a.