Popular Bible Verses from Levitik 26

Share

M'a toujou la nan mitan nou, se mwen menm k'ap Bondye nou, se pèp mwen n'a ye.

lè sezon an rive, m'a ban nou lapli. Konsa tè nou va bay rekòt, pyebwa nan jaden nou va donnen.

Si nou mache dapre lòd mwen yo, si nou kenbe tout kòmandman m yo, si nou swiv yo

M'a mete kè poze nan peyi a, n'a kouche dòmi san kè sote. M'ap fè tout bèt mawon disparèt nan peyi a, moun p'ap vin fè nou lagè ankò.

M'a beni nou, m'a ban nou pitit, m'a ban nou anpil pitit. Mwen menm, m'a kenbe kontra mwen te siyen ak nou an.

Se mwen menm, Senyè a, Bondye nou an, ki te fè nou sòti kite peyi Lejip pou nou pat rete esklav moun sa yo ankò. Mwen kase gwo kòd lwijanboje ki t'ap jouke nou an, mwen fè nou mache tèt anlè.

M'ap rete nan mitan nou nan kay mwen an, m'ap toujou kontan ak nou.

Senyè a di: — Nou pa gendwa fè zidòl, nou pa gendwa fè estati, ni mete wòch kanpe. Nou pa gendwa pran wòch pou fè desen sou li, lèfini pou n mete l kanpe yon kote nan peyi a pou nou adore yo. Se mwen menm ki Senyè a, Bondye nou an.

N'a sitèlman fè bèl rekòt, apre nou fin manje pandan ennan, n'a sètoblije mete rès grenn dènye rekòt la deyò pou nou fè plas pou rekòt k'ap vin apre a.

Senk moun nan mitan nou va kont pou bat san lènmi, san moun nan mitan nou va kont pou bat mil lènmi. N'a kraze lènmi nou yo anba kout nepe nou yo.

Lè sa a, nou p'ap ankò fin bat ble, n'ap gentan nan keyi rezen. Nou p'ap ankò fin keyi rezen, n'ap gentan nan plante grenn. N'a gen kont manje pou nou manje, epi n'a rete nan peyi nou an san nou pa bezwen pè anyen.

N'a kouri dèyè lènmi nou yo, n'a bat yo, n'a kraze yo ak nepe nou.

Se pou nou fete tout fèt mwen yo. Se pou nou respekte kay ki apa pou mwen an. Se mwen menm ki Senyè a!