Popular Bible Verses from Mark 14

Share

Chii itweu, “Nuuhtaawii, namui ihtakun chekwaan ekaa chechii ihtuutaman chiya. Iichenamuu maa uu taan nipaa ishi wiisacheyihten. Mikw maak chiya chititeyihtamuwin chika ihtuutaakanuu, namui niya nititeyihtamuwin.”

Ekw kaa itaat aniyuuh e nishtiyich, “Yaakwaamiikw kaye ayimihaakw ekaa chechii shaakuuchihiikuyekw kakwechihiiwewin. Wesh chitahchaahkuwaahch naashch taapwe kuiskw chiwii ihtinaawaau mikw maak chiyaasiwaahch namui mitun chisaapisiinaawaau.”

Chihchiwe chititinaawaau, taanite mikw che kacheskwaanuukwe e waawiihtaakanuuhch miywaachimuwin misiwe e ispichiskamikaach uu aschii kata wiihtaakanuuyuu uyuu taan kaa ihtit e chischisiitutuwaakanuut uu iskweu.”

Ekw kaa itaat, “Naashch taapwe misimeyihtam nitahchaahkw. Ekut utah ihtaakw mikw maak ekaawii wii kauhkusikw e ashuwaapiyekw.”

Aniyuu maak e miichisutwaau, Jesus chii utineu aaihkunaau ekw kaa nanaaskumaat Chishemanituu. Iskutak kaa nanaaskumut ekw kaa papahkwenaat aniyuuh aaihkunaau, ekw kaa maamiyaat misiwe paahpeyakw e tashiyich e itaat, “Utinaahkw uu, muwaahkw, eukuu niyuu.”

Ekw aniyuu minihkwaakaniyuu kaa utinahk, chii nanaaskumeu Chishemanituu, ekw kaa miyaat aniyuu uchischinuhamuwaakan. Misiwe maak e tashiyich chii minihkweyuuh. Kaa itaat, “Eukuu nimihkw, an che shiikanikaatech mihchetu awen uhchi. Uu nimihkw ekut che uhchi yaaitashtech uschi niskumuwin.

Ekw Jesus kaa itaat aniyuu uchischinuhamuwaakanh, “Uu anuhchiish che tipiskaach misiwe e tashiyekw chika nakasinaawaau, an uhchi taan che ihtuutaakuyaan, wesh itashteyuu anite Chishemanituu utayimuwinihch, Nika niihtahwaau an maanishchaanishuiinuu, ekw anichii maanishchaanishach che ascheyaamuhchaanuuhch.

Wanishkaakw. Maachiitaau. Kanawaapamaahkw maa an che wiyeshipachishtinit shaash peshunaakusuu.”

Ekw Jesus kaa itaat, “Chihchiwe chititin, eshkw ekaa mechim niishwaau chistute naape pakahaahkwaan che utaakushich shaash nishtwaau chika itwen ekaa chischeyimiyin.”