Popular Bible Verses from Matthew 26

Share

Yaakwaamiikw kaye ayimihaakw ekaa chechii shaakuuchihiikuyekw kakwechihiiwewin. Wesh chitahchaahkuwaahch naashch taapwe kuiskw chiwii ihtinaawaau mikw maak chiyaasiwaahch namui mitun chisaapisiinaawaau.”

Ekw kaa itaat aniyuu kaa wiichewaat, “Naashch taapwe misimeyihtam nitahchaahkw. Ekut utah ihtaakw mikw maak ekaawii wii kauhkusikw e ashuwaapamiyekw.”

Ekw anite iiche kaa ituhtet wiya, chii uchihchiihkunipuu maak, kaa ayimihaat e itwet, “Nuuhtaawii, chechii ishinaakunikwe pechi iichenamuuh uu taan che ishi wawiisacheyihtamaan, mikw maak chii chititeyihtamuwin chika ihtuutaakanuu, namui niya nititeyihtamuwin.”

Wesh eukun uu nimihkw che uhchi uschihtaakanuuhch niskumuwin, eukuu nimihkw che siikanikaatech chechii uhchi wepeyihtamuwaakanuutwaau mihchetu awenichii umachihtwaawinawaau.

Aniyuu maak e miichisutwaau, Jesus chii utineu aaihkunaau ekw kaa nanaaskumaat Chishemanituu. Iskutak maak kaa nanaaskumut ekw kaa papahkwenaat aniyuu aaihkunaau ekw kaa miyaat uchischinuhamuwaakan e itaat, “Utinaahkw uu, muwaahkw, eukuu niyuu.”

Ekw aniyuu minihkwaakaniyuu kaa utinahk, kaa nanaaskumaat Chishemanituu, ekw kaa miyaat aniyuu uchischinuhamuwaakan e itaat, “Niipitepayihtwaatukw uu chechii minihkweyekw misiwe e tashiyekw.

Chii pisikuu maak kaa chiishi ayimihaat, kaau kaa nituwaapamaat aniyuu uchischinuhamuwaakan kaa ashuwaapamikut, wetihtaat maak chekwaayuu kaa nipaayich, ekw kaa itaat aniyuu Peter, “Taan e ihtiyekw wehchi ekaa waawaach peyakw tipahiikan uhchii ishpish ashuwaapamiyekw.

Chiwiihtamaatinaawaau maak namui miin nika uhchi minihkwen shuuminaapuu utah wii paatishkaan anite Nuuhtaawii uchisheuchimaawinihch miin maamuu minihkweyihkwe.”

Ekw Peter kaa uhchi chischisit taan kaa itikut Jesus, “Eshkw ekaa chistute naapeu pakahaahkwaan anuhchiish kaa chiishikaach nishtwaau chika itwen ekaa chischeyimiyin.” Ekw maak kaa wiiwiit kaa nituu maatut, suuhk e maatut.

Waniskaakw, maachiitaau ekw, wesh shaash takushinuu an naapeu che wiyeshipachishtinit.”

Ekw Jesus kaa itaat, “Chiskashtaah an chimuuhkumaan, wesh misiwe awen kaa aapachihtaat shimaakanishiyuu muuhkumaaniyuu chechii nipahaat aweyuu eukw uyuu che aapataniyich nipahaakanuute kaye wiya.