Popular Bible Verses from Acts 9

Share

Ekw Ananias kaa itikut Utipeyihchikeu, “Ituhte yaapach, wesh nichii wiyeyimaau Saul chechii pechi atushkuut, kaye chechii pechi chischeyihtaakuhiit anite Jewa iinuuh e ihtaayich kaye maak anite ekaa Jewa itiskaanesiyich iinuuh, kaye maak chisheuchimaauh e ihtaayich.

Chii pahchishinuu aschiihch, ekw kaa pehtawaat aweyuu e itikut, “Saul, Saul, chekwaan wehchi nanehkaachihiyin.” Ekw Saul kaa itwet, “Awen chiya kaa pechi ayimihiyin.” Ekw kaa itikut aniyuu aweyuu, “Eukw niya Jesus, an kaa nanehkaachihiit.

Ananias maak chii ituhteu anite, kaa piihchet aniyuu waaskaahiikaniyuu anite kaa itishahwaakanuut. Iskutak maak wiyaapamaat aniyuu Saul, ekw kaa saaminaat e itaat, “Niichishaan Saul, Utipeyihchikeu Jesus nichii pechi itishahuukw, an kaa nachishkaask nete meskaanaahch mekwaach kaa pechi ituhteyin ute. Nichii pechi itishahuukw miin kaau chechii waapahtaman, kaye chechii saakaschineshkaask Kaa payehchisiyich Ahchaahkw.” Tiiwehch maak mwehch names uhakai e ishinaakuniyikwaauh chekwaayuu chii uhchi paahpahchishtiniyuuh anit uhchi Saul uschiishikuhch, ekut maak miin kaau kaa uhchi waapahtahk. Chii pisikuu ekw kaa siikahaahtuwaakanuut.