Popular Bible Verses from Acts 2

Share

Ekw Peter kaa itaat, “Kweskaatisiikw misiwe paahpeyakw e tashiyekw. Nakatamukw chimachihtwaawinawaauh ekw maak che siikahaahtaakuyekw Jesus Christ utishinihkaasuwinihch ati chechii uhchi wepeyihtamaakuyekw chimachihtwaawinawaauh. Chika miikuwaau maak Chishemanituu umiiwewin, eukw uyuu Kaa payehchisiyich Ahchaahkwa.

Misiwe maak ekut muush kaa ihtaatwaau e chiskutamaacheyich aniyuuh Apastalh kaye chii pahkweneuch aaihkunaauh kaye chii maamuu ayimihaauch.

Misiwe maak e tashitwaau chii saakaschineshkaakuuch Kaa payehchisiyich Ahchaahkwa. Chii uhchi kweschayimuuch maak kutak ayimuwinh e ishi miikutwaau Ahchaahkwa chechii ishi ayimitwaau.

Sischikuuch chii uhchi pehtamuch muyaam e mistayuutiniyich e itihtaakuniyich anite chiishikuhch uhchi. Misiwe e ishpishaayich piihtakamihch aniyuu waaskaahiikaniyuu kaa ihtaatwaau chii pehtaakuniyuu. Ekw kaa uhchi nuukuniyikwaauh ishkuteshiisha e niipuhkuweyikwaau e ishinaakuniyikwaauh e ati maatinuwepayiyikwaau, misiwe paahpeyakw awen e ihtaat chii ihtakuniyuu peyakw uyuu. Misiwe maak e tashitwaau chii saakaschineshkaakuuch Kaa payehchisiyich Ahchaahkwa. Chii uhchi kweschayimuuch maak kutak ayimuwinh e ishi miikutwaau Ahchaahkwa chechii ishi ayimitwaau.

Eshikum chiishikaau maak chii nishtawiyuuch anite chisheayimiheukamikuhch kaye chii maamuu miichisuuch wiichiwaawaahch, e miyeyihtahkwaau utehiiwaauch e miitutwaau taan e ishi ayaatwaau. Muush chii maamihchimeuch Utipeyihchikeu. Misiwe maak aweyuu chii miyeyimikuuch. Meshikum chiishikaauh maak chii ati mihchetiyuu aweyuu Chishemanituu e pimaachihaat.

Iskutak maahchishtai ati chiishikaache maau che ihtuutamaan chii iteu Chishemanituu, misiwe awen nika siikanimuwaau Nitahchaahkwa, chikusuwaauch kaye chitaanisuwaauch chika chischiwehiicheuch. Uschiniichuuch chika waapahtamuch waapahtiiwewinh ekw chisheinuuch nanaahkuu chika ishi puwaamuuch.

Misiwe maak anichii kaa taapwehtahkwaau muush chii maamuu ayimihaauch kaye uchekwaanimuwaau muush chii maamuu auhiituuch. Chii ataaweuch taan e ishi tipiyeusiitwaau ekw kaa maatinamaatutwaau aniyuu shuuliyaayuu misiwe anit e tashitwaau. Mikw taan e ishi nuuhtepayit awen ekun kaa ishi miyaakanuut.

Ekw maak tahtu awen che tepwaatamuwaakwe Utipeyihchikeu utishinihkaasuwiniyuu, chika pimaachihaakanuu.”

Piisim chika tipischipayuu kaye tipischipiisim chika mihkusuu muyaam mihkw e ishi mihkwaach ekun che ishinaakusit eshkw ekaa che takushihk Utipeyihchikeu. Naashch taapwe kata chisteyihtaakun an e chiishikaach kaye nuwach kata ihtakun e sechisinaanuuhch.