Popular Bible Verses from Mattaios 27

Share

Orowa, shinepesan ikinne an pakihi pakita Yesu rui hau sange wa ene itak-hi :— Eri, Eri, rama sabaktani? sekoro itak. Tan itak eepaketa aye yakun, “Ku goro Kamui, ku goro Kamui, nep gusu Aokai en ande ya?” sekorʼan itak ne.

Awa, ingarʼan Kamui kora kenru ta an otbe anak ne horikashi wano ra oro pakno tup ne ayaske wa aeukohopi; samata, shirishinroye an; orowa watara yasaske; orowa, tushiri amaka wa mokonnoye wa okai inne ashkanne utara hetopo ashiknure

Orowa, Yesu shui rui hawe sange, orowa no, ramat arapare nisa ruwe ne.

Orosama, nei kenturion newa tura no Yesu shiure tumi-koro guru anak ne, nei shirishimoye hemhem usa-okai ikip hemhem nukara koro, toiko ishitoma hine ene itak-hi :— Soon no poka tambe anak ne Kamui Poho ne a an, sekoro itak ruwe ne.

Orowa, iwan ikinne an pakihi wano shinepesan ikinne an pakihi pakno moshirʼebitta shirikunne ruwe ne.

Orota utara :— Barabbas, ani itak. Orowa, Pirato nei utara otta ene ye-hi :— Yakun Kiristo ani aye Yesu otta nekon a ku ki kusu ne ya? Utasa chikuni otta raige ayanro, utara obitta ye nisa ruwe ne. Pirato ene itak-hi :— Hemanda gusu, nep katpak aki ya? sekoro itak. Koroka, utara shi no hawe ashte wa, utasa chikuni otta raige ayanro, ari itak nisa.