Popular Bible Verses from I Korintos 6

Share

Orosama, echi kon netobake anak ne Kamui orowa no akore echi onnaigeta an Ashkanne Ramat kora kenru ne ari an ambe echi erampeutek ruwe he an? Aige, echi utara anak ne yaikota yaikorobe shomo ne; oro ani echi ahok okere ruwe ne gusu ne na: tambe gusu echi kon netobake otta an Kamui ko-oripak yan.

Samata, oupeka sak utara Kamui moshiri shomo eikeshkoro kusu ne ambe echi erampeutek ruwe he an? Iteki yaikokandama yan: hoiyo utara hene, potoki ko-ongami utara hene, omoinu ikichi utara hene, kuroma buri ki utara hene, okkai turu wen-buri iki utara hene, ikka utara hene, yaikoshipuinere utara hene, ihoshki utara hene, kosakayokara utara hene, ehekem utara hene, Kamui moshiri eikeshkoro shomoki kusu ne na.

Hoiyo wano shaot yan. Ainu iki obitta no okai chikokatpak auak ne netobake soige an; koroka, hoiyo ki guru anak ne yaikota kon netobake epeka chikokatpak ki ruwe ne.

Nep okaibe ne yakka en gusu ikashpaotte kopakeat ruwe ne, koroka, obitta no okaibe en gusu pirika kunip shomo ne. Nep okaibe ne yakka en gusu ikashpaotte kopakeat; koroka, nep okaibe koro mondum ne yakka kuani en esapanere ash shomoki kusu ne na.

awa, Kamui anak ne Utarapa hetopo-shiknure nisa ruwe ne, samata, Shinuma koro kiroro ani un hetopo-shiknure kusu ne na.