Popular Bible Verses from Zakariyo 9

Share

Xursand boʻlib, quvoning, Ey Quddus xalqi! Shodlik ila hayqiring, Ey Sion aholisi! Mana, shohingiz kelyapti. U zafar qozongan gʻolibdir. Shunga qaramay, Kamtarindir shohingiz, U eshakning ustida, Ha, eshakning bolasini — Xoʻtikni minib kelyapti.

Men Efrayimning jang aravalarini yoʻqotaman, Quddusning jang otlarini tortib olaman. Urush kamonlari ham yoʻq qilinadi, Shohingiz xalqlarga tinchlik keltiradi. Men bir dengizdan ikkinchisiga qadar, Furot daryosidan tortib Yer yuzining toʻrt tomoniga hukmronlik qilaman.

Oʻsha kuni ularning Egasi Xudo Oʻz xalqini qutqaradi. Axir, ular Egamizning suruvidir. Egamizning yurtida ular Toj gavharlariday porlaydilar.