Popular Bible Verses from Zabur 34

Share

Buyuk jamoa ichra Senga shukur aytaman, Xalq yigʻinlarida Senga hamdlar oʻqiyman.

Mening jonimga qasd qilganlar Sharmandayu sharmisor boʻlsin! Menga qarshi fitna qilayotganlar Uyatga qolib, orqaga qaytsin!

Asossiz menga dushmanlik qilganlar Ustimdan kulmasinlar, Mendan sababsiz nafrat etganlar Koʻzlarini oʻynatmasinlar.

Toʻsatdan ularning boshiga halokat kelsin, Qoʻygan tuzogʻiga oʻzlari oʻralib qolsin, Qazigan chuqurga oʻzlari yiqilib, bitsin.

Ey Egam, Sening farishtang ularni quvsin. Ha, ular xuddi shamolda uchgan somonday boʻlsin.

Ey Egam, qachongacha qarab turasan? Qutqargin meni ularning hujumidan, Xalos qilgin jonimni oʻsha sherlardan!

Sababsiz menga tuzoq qoʻydilar, Meni tutib olib oʻldirmoq uchun Sababsiz menga chuqur qazidilar.

Doʻstim, birodarim, deya tashvish tortardim, Tuqqan onam uchun aza tutganday, Qaygʻudan boshimni egib yurardim.

Ular xasta boʻlganlarida esa Men qanor kiyib, roʻza tutib, qaygʻu chekardim. Boshimni quyi solib, ibodat qilardim.

Qoqilganimda esa ular shod boʻldilar, Menga qarshi yigʻilishib keldilar, Bexabar ekanman, ular kallakesar ekan, Toʻxtovsiz menga boʻhton qildilar.

Meni taʼqib qilganlarga qarshi Nayzayu boltangni olgin. “Senga najot beraman”, deb Oʻzing menga vaʼda bergin.